Bugun,

  • USD 11095.31
  • RUB 173.84
  • EUR 10772.44

Furqat Zokirov “O‘zbekkino” milliy agentligi direktori lavozimidan ozod qilindi. “Daryo”ning agentlikdagi ishonchli manbalari bergan axborotga ko‘ra, uning o‘rniga Firdavs Abduxoliqov agentlikning yangi rahbari etib tayinlangan.

Firdavs Abduxoliqov.

Firdavs Abduxoliqov.
Foto: “Gazeta.uz”

56 yoshli Firdavs Abduxoliqov 1992—1995-yillarda O‘zbekistondagi dastlabki xususiy telekanallardan biri — “STV” va ilk nodavlat gazetalardan biri — “Darakchi”ga asos solgan. 2003-yildan O‘zbekiston Elektron ommaviy axborot vositalari milliy assotsiatsiyasiga rahbarlik qilib keladi.

Bundan tashqari, u O‘zbekiston madaniy merosini asrash, o‘rganish va ommalashtirish bo‘yicha Butunjahon jamiyatining raisi hisoblanadi. Uning prodyuserligida ko‘plab hujjatli filmlar suratga olingan, u BBC, Euronews, CNBC va boshqa qator xorijiy kompaniyalar bilan hamkorlik qilib kelmoqda.

Ma’lumot uchun, Furqat Zokirov 2017-yil avgustida “O‘zbekkino” milliy agentligi direktori etib tayinlangan edi. Zokirov ushbu lavozimda Otabek Musayevning o‘rnini egallagan edi.

Izoh
Asosiy yangiliklar
Dunyo
Turkiya Finlyandiya va Shvetsiyaning NATOga kirish haqidagi arizalarni alohida-alohida ko‘rib chiqishi mumkin
Mahalliy
O‘zbekistonda dollar kursi pastladi 
Mahalliy
Shavkat Mirziyoyev Islom Karimov haykali poyiga gul qo‘ydi