Bugun,

  • USD 11095.31
  • RUB 173.84
  • EUR 10772.44

Toshkent viloyati hokimligi Oqqo‘rg‘on tumani markaziy dehqon bozoridagi vaziyat bo‘yicha axborot berdi.

Bugun ijtimoiy tarmoqlarda Oqqo‘rg‘on tumani markazidagi dehqon bozorida sodir bo‘lgan holat bo‘yicha videolavha tarqaldi, deyiladi xabarda.

Vaziyat ichki ishlar organlari hamda hokimlik mas’ullari tomonidan qat’iy nazoratga olingan. Organ xodimlari va savdogarlar o‘rtasidagi bahsli holat bo‘yicha tuman hokimligi mas’ullari ishtirokida maslahatlashuv o‘tkazildi.

Mazkur voqea 2019-yil 14-avgust kuni bo‘lgan. Kunduzi 11:00 da “Oqqo‘rg‘on dehqon bozori” MChJ hududiga A.Navoiy ko‘chasi tomonidan kirish qismida, tuman hokimining 1836-sonli “Oqqo‘rg‘on shahri “Birlik” MFY A.Navoiy ko‘chasi hududidagi bo‘sh turgan yer maydonida fuqaro Qurbonov Davron tomonidan ikki qavatli savdo va maishiy xizmat ko‘rsatish majmuasi qurilishi uchun ruxsat berish” to‘g‘risidagi qarori asosida qurilish ishlarini boshlash uchun ustalar ish boshlagan.

Shu vaqtda bozorga kirish yo‘lini devor bilan berkitayotgan vaqtida, shu yerda poliz ekinlari va oziq-ovqat mahsulotlarini sotish bilan shug‘ullanayotgan ayollar qurilayotgan devor o‘zlarining savdosiga xalaqit qilishini aytib, qurilishni to‘xtatishni talab qilgan.

Ma’lumot o‘rnida aytish joizki, bu joy bozorning asosiy kirish yo‘lagi emas, orqa tomon. Qolaversa, rasman bozor darvozasi ham emas. Qolaversa, bu yerdagi yoymachilar (savdo rastalarida emas, yerda, ko‘chalarda savdo qiluvchilar) tufayli hududda avtomashinalar tirbandligi vujudga kelgan. Piyodalar o‘tish joyida yo‘l-transport hodisasi tez-tez bo‘lib turadi. Shu bois ham mazkur norasmiy darvoza (bozorning chiqish yo‘lagi) qurilishi rejalashtirilgan.

Tushuntirishlarga qaramay, 5 nafar savdogar ayol (ularning ism-familiyasini etika yuzasidan nomma-nom keltirishni joiz ko‘rmadik) baqir-chaqir qilib, atrofdagi olomonning e’tiborini o‘ziga qaratib, quruvchi ustalar va bozor rahbarini ham haqorat qilib, ko‘plashib qurilayotgan devorni buzib tashlagan.

Shundan so‘ng voqea joyiga tezkor-tergov guruhi IIB huzuridagi Tergov bo‘limi tergovchisi katta leytenant I.Raimov, IIB JQB tezkor vakili mayor E.Arslonov, IIB HPB TP profilaktika inspektori katta leytenant O‘.Tursunov, IIB EKG eksperti kapitan A.Mirzaliyev va YHXB inspektori serjant S.Jumayev yetib borib, holat yuzasidan tegishli hujjatlarni qonuniy, o‘rnatilgan tartibda rasmiylashtirish vaqtida xodimlarning qonuniy talablariga bo‘ysunmaganligi sababli, to‘plangan hujjatlarni tuman IIB Navbatchilik qismidagi ShAKL-2 kitobiga 703-son bilan qayd qilib, holat yuzasidan tergovga qadar tekshiruv ishlari boshlangan.

Tuman hokimi, hokim o‘rinbosari, xotin-qizlar qo‘mitasi raisi Gulnora Abdunajimova voqea joyida bo‘lib, xotin-qizlar bilan suhbatlashgan. Ular ayni paytda ish kundalik ishlari bilan mashg‘ul.

Vaziyat bo‘yicha yaqin vaqtlarda batafsil axborot beriladi, deyiladi xabarda.

Eslatib o‘tamiz, avvalroq Toshkent viloyatida bozorda savdo qilayotgan ayollar kuch bilan qo‘lga olingani videosi paydo bo‘lgan edi.

Izoh
Asosiy yangiliklar
Mahalliy
Turkmaniston O‘zbekistonga tekinga gaz yetkazib beradi 
Mahalliy
Toshkentda ko‘prik ustidagi “Gazel” yonib ketdi (video)
Biznes
Rossiyadan Osiyoga ko‘mir eksporti narxi oshgani ma’lum qilindi