Poytaxt hokimligi tashabbusi shaharliklar tomonidan baholanadi

Toshkent shahar hokimligi “Mening ovozim” saytini ishga tushirdi. Bu haqda Norma xabar berdi.

Ushbu saytda har bir fuqaro ijtimoiy masalalarda o‘z nuqtai nazaridan fikrini bildish imkoniyatiga ega bo‘ladi.

mo.tashkent.uz saytida quyidagi bir nechta bo‘lim mavjud:

— “Ovoz berish” bo‘limida har bir toshkentlik shaharning o‘zgarishi uchun ovoz berishi, o‘z fikrlari bilan o‘rtoqlashishi va har bir berilgan ovoz uchun ball olishi mumkin;— “Shahar yangiliklari” bo‘limida poytaxt hokimligi tomonidan amalga oshirilgan ishlar to‘g‘risida ma’lumot berilgan;— “Rag‘batlantirish do‘koni” bo‘limida esa to‘plangan ballarni esdalik sovg‘alari, kiyim-kechak, elektron asbob-uskuna va turli tadbir chiptalariga almashtirish mumkin;— “Afisha” bo‘limida rejalashtirilgan va ilgari o‘tkazilgan tadbirlar haqida ma’lumotlar mavjud;— “Natijalar” bo‘limida esa ovoz berish va so‘rovlar natijalari, ko‘pchilik fuqarolar tomonidan bildirilgan fikrlar, tegishli masala yuzasidan shahar hokimiyati qabul qilgan qarorlar e’lon qilinadi.