“Los-Anjeles Gelaksi” hujumchisi Zlatan Ibragimovich “Portlend Timbers”ga qarshi o‘yinda simulyatsiya ishlatgani uchun sariq kartochka bilan jazolangandi (4:0).
Uchrashuvning 50-daqiqasida Ibragimovich raqib jarima maydoni ichida himoyachi bilan to‘qnashuv chog‘ida yiqildi.
MLS tartib-intizom qo‘mitasi 37 yoshli shvedni ishlatgan simulyatsiyasi uchun jarimaga tortdi. Jarima miqdori ochiqlanmagan.
U mamlakatning amaldagi chempioni “Atlanta Yunayted” bilan bo‘lib o‘tadigan bahsni o‘tkazib yuboradi.
Ma’lumot uchun, Ibragimovich joriy mavsum MLS’da 18 ta o‘yinda maydonga tushib, 16 ta gol urdi hamda 3 ta golli uzatma berdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)