Futbol bo‘yicha O‘zbekiston Superligasining 14-tur bahslariga 26-iyul, juma kuni start beriladi.
Kunning dastlabki o‘yinida Namanganning “Navbahor” klubi o‘z maydonida Navoiyning “Qizilqum” jamoasini qabul qiladi. Uchrashuv soat 19:30 da boshlanadi.
Eslatib o‘tamiz, “Navbahor” 13-turda navoiyliklarni 2:1 hisobida mag‘lub etgandi.
Samvel Babayan qo‘l ostiga o‘tgan Toshkentning “Lokomotiv” klubi Jizzaxning “So‘g‘diyona” jamoasi maydoniga safar qiladi.
Ma’lumot uchun, “temiryo‘lchilar” avvalgi turda jizzaxliklardan ustun kelgandi (2:0).
Shu kuni Shota Arveladze boshqaruvidagi Toshkentning boshqa bir jamoasi “Paxtakor” o‘z uyida “Qo‘qon-1912”ni sinovdan o‘tkazadi.
Qayd etish joiz, “sherlar” oldingi turda Qo‘qon klubini Shohrux Mahmudhojiyevning dubli evaziga mag‘lubiyatga uchratgandi (2:1).
1-davra yakuniga ko‘ra musobaqa jadvalidagi holat:
Coca-Cola Superligasi
14-tur bahslari
26-iyul, juma kuni
“Navbahor”—“Qizilqum” 19:30
“So‘g‘diyona”—“Lokomotiv” 20:00
“Paxtakor”—“Qo‘qon-1912” 20:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)