Bugun,

  • USD 11095.31
  • RUB 173.84
  • EUR 10772.44

O‘zbekiston bosh vaziri Abdulla Aripov 17-iyul kuni “Beyneu–Aqjigit–O‘zbekiston chegarasi” avtomagistralining tantanali ochilish marosimida ishtirok etish arafasida Qo‘ng‘irot tumanida bo‘ldi, deb xabar beradi O‘zA.

Foto: O‘zA

Foto: O‘zA

Bosh vazir tuman shimolida joylashgan “Qoraqalpog‘iston” posyolkasi fuqarolar yig‘iniga ham tashrif buyurib, bu yerdagi xotin-qizlarga yaratilgan shart-sharoitlar bilan tanishdi.

Abdulla Aripov posyolkadagi “Ustyurt chevarlari” MChJda bo‘lib, bu yerda ishlayotgan xotin-qizlar bilan uchrashdi.

Foto: O‘zA

Foto: O‘zA

Shu yil iyul oyi boshlarida ish boshlagan “Ustyurt chevarlari” MChJ da bugungi kunda 50 nafar xotin-qiz ish bilan ta’minlangan. Prezident tashabbusi bilan tatbiq etilgan tizim – “Obod qishloq” dasturi doirasida “Qoraqalpog‘iston” posyolkasi fuqarolar yig‘inidagi bu korxona qayta ishga tushirildi. Ayni vaqtda “O‘ztransgaz” AJ Qoraqalpog‘istongaz filialining tuman bo‘limi bilan mahsulot yetkazib berish yuzasidan shartnoma imzolangan.

Shuningdek, korxonada shu hududda yashayotgan aholining ehtiyojidan kelib chiqib va ichki bozorni o‘rgangan holda kundalik qo‘llaniladigan ko‘rpa-ko‘rpacha choyshablari, yostiqjildlar, kiyimlar ham tikilmoqda. Kelajakda ishlab chiqarish ko‘lamini kengaytirib, yana 30 nafar xotin-qizni, ayniqsa, kasb-hunar kollejlari bitiruvchilarini ish bilan ta’minlash rejalashtirilgan.

Qo‘shni Qozog‘istonning Beyneu tumaniga tayyor mahsulotlarni eksport qilish ham maqsad qilingan.

Izoh
Asosiy yangiliklar
Mahalliy
Saudiyalik tadbirkor O‘zbekistonda avtomashina ehtiyot qismlari ishlab chiqarishga sarmoya kiritadi 
Mahalliy
1000 dollar oylik olayotgan oʻqituvchilar, 1 mln nafardan oshgan talabalar, yangi qurilgan 27 ta TTJ — oliy taʼlim vaziri oʻrinbosari Komiljon Karimov bilan ekskly...
Mahalliy
Toshkentda 3 ta mashina ishtirokida YTH sodir bo‘ldi