Bugun,

  • USD 11095.31
  • RUB 173.84
  • EUR 10772.44

Normativ-huquqiy hujjatlar loyihalari muhokamasi portalida Vazirlar Mahkamasining “Mamlakat ijtimoiy hayotida faol ishtirok etayotgan yosh oilalarni uy-joy bilan ta’minlashni takomillashtirish chora-tadbirlari to‘g‘risida”gi qarori loyihasi joylashtirildi. Bu haqda “Xalq so‘zi” xabar qiladi.

Foto: “Xalq so‘zi”

Foto: “Xalq so‘zi”

Hujjatda qayd etilishicha, mamlakat ijtimoiy hayotida faol ishtirok etib, alohida namuna ko‘rsatayotgan yosh oilalar uchun 3 180 ta uy-joylar qurilmoqda.

Belgilab qo‘yilishicha, 2019-yilda 2 116 ta uy-joylar uchun:— yosh oilalarga boshlang‘ich badalining 65 foizgacha bo‘lgan qismini 7 yil muddatga O‘zbekiston Respublikasi Markaziy bankining qayta moliyalashtirish stavkasining 50 foizi miqdoridagi stavkada O‘zbekiston yoshlar ittifoqi mablag‘lari hisobidan ssuda tariqasida ajratiladi;— ipoteka krediti bo‘yicha birinchi besh yil nihoyasiga yetgandan keyingi butun muddat uchun hisoblanadigan foizlar O‘zbekiston yoshlar ittifoqi mablag‘lari hisobidan O‘zbekiston Respublikasi Markaziy bankining qayta moliyalashtirish stavkasining 25 foizi miqdorida to‘lanadi.

O‘zbekiston Respublikasi Moliya vazirligi:— yosh oilalar uchun qurilishi tugallangan 1 064 ta uy-joylar qiymatining dastlabki badal mablag‘lari uchun talab etilayotgan 60 mlrd. so‘m mablag‘ni 2019-yil 2-chorak yakuni bo‘yicha bojxona to‘lovlarining prognoz ko‘rsatkichlaridan ortiqcha bajarilgan qismi hisobidan;— O‘zbekiston yoshlar ittifoqining asoslangan hisob-kitobiga muvofiq, 2 116 ta uy-joylar uchun yosh oilalarga boshlang‘ich badalining 65 foizgacha bo‘lgan qismini 7 yil muddatga O‘zbekiston Respublikasi Markaziy bankining qayta moliyalashtirish stavkasining 50 foiz miqdoridagi stavkada ssuda tariqasida ajratish uchun talab etiladigan mablag‘ni 2019-yilning 3-chorak yakuni bo‘yicha respublika budjetining prognoz ko‘rsatkichlaridan ortiqcha bajarilgan qismi hisobidan O‘zbekiston yoshlar ittifoqiga ajratishni ta’minlaydi.

Izoh
Asosiy yangiliklar
Mahalliy
Tashkent Index’dagi talabalar majburan chiqarib yuborilishiga yo‘l qo‘yilmaydi — vazirlik
Dunyo
Yonib ketgan “Appolon-1” ekipaji, Braziliyada 242 kishining o‘limiga sababchi bo‘lgan tungi klubdagi yong‘in va Moskvada o‘tkazilgan Leninning dafn marosimi. Kun x...
Mahalliy
Farg‘onadan Qirg‘izistonga mikroavtobus qatnovi tiklandi