Joriy yilning 21-iyulidan Toshkentda Bo‘zsuv kanalining Minor masjidiga tutash hududida Venetsiya usulidagi qayiqlarda sayr qilish maskani ochiladi. Bu haqda Toshkent shahar hokimligi xabar bermoqda.
Ta’kidlanishicha, o‘tgan davr mobaynida mazkur hududda obodonlashtirish ishlari olib borilib, kanal atrofi tozalandi, qirg‘oq bo‘ylari mustahkamlandi. Aholi dam olishi, madaniy hordiq chiqarishi uchun talab etilgan sharoitlar yaratildi. Jumladan, o‘rindiqlar, yoritgichlar o‘rnatildi, bepul Wi-Fi hudud tashkil etildi. Shuningdek, tadbirkor tomonidan 4 ta 4 kishilik “Gondola” qayiqlari hamda 1 ta 8 kishilik motorli sayr qayig‘i olib kelindi.
Endi ushbu maskan yurtdoshlarimiz va shahrimiz mehmonlari suv bo‘yida maroqli hordiq chiqarishlari uchun xizmat qiladi, deyiladi xabarda.
Izoh (0)