Avvalroq xabar berganimizdek, bugun Oliy Majlis Senati Mudofaa va xavfsizlik masalalari qo‘mitasida Ichki ishlar vazirligi faoliyatining 2019-yil birinchi yarim yilligida amalga oshirilgan ishlari to‘g‘risidagi hisobotiga bag‘ishlangan majlisi bo‘lib o‘tdi.
Quyida Ichki ishlar vaziri o‘rinbosari Rustam Hotamovning ma’ruzasida keltirilgan ayrim raqamlarni bo‘lishamiz.
Kadrlar masalasi
- Respublikada jami 9 009 nafar profilaktika inspektorlarining jamoat tartibini saqlash bo‘yicha yordamchilari yangi lavozimlari joriy etilgan.
- Jinoyat sodir etishga moyil yoki og‘ir vaziyatga tushib qolgan shaxslarga psixologik yordam ko‘rsatish maqsadida vaziyati og‘ir hisoblangan hududlardagi ichki ishlar organlariga 89 ta psixolog lavozimlari
- Jinoyat qidiruv xizmati tezkor apparatining 37 foizi quyi tizimga tushirilib, shahar-tuman ichki ishlar organlarining tezkorligini kuchaytirilgan.
- Har kuni sodir etilgan jinoyatlar bilan hokimlar va sektor rahbarlari shaxsan tanishib, o‘zlariga biriktirilgan hududda tashkil etgan huquqbuzarliklar profilaktikasi tadbirlari asosida shu yil sodir etilgan 4 978 ta jinoyatlar aholi o‘rtasida muhokama qilingan;
- Jinoyat ishlari bo‘yicha qidiruvga e’lon qilingan 243 nafar shaxslar ushlandi;
- Respublikada jinoiy harakatlarni sodir etishga hozirlik ko‘rgan shaxslardan 70 dona qurol, 1 197 ta o‘q-dori, diniy-ekstremistik g‘oyalarni targ‘ib etishda foydalanilgan 427 dona adabiyot va 1 120 dona boshqa axborot tashuvchi vositalar olindi;
- Giyohvandlikka qarshi kurashish borasida 1 810 ta jinoyatlar aniqlanib, jinoyatchilardan 303,8 kg narkotik moddalar olindi;
- Terrorizm va ekstremizm yo‘nalishida jinoyat sodir etgan shaxslarning ijtimoiylashuvini ta’minlash borasida ularda 14 391 ta muammolar aniqlanib, 11 317 tasi hal etildi;
- Kompleks chora-tadbirlar natijasida 2019-yilning 6 oyi mobaynida respublika hududida sodir etilgan jinoyatlar soni 6 935 taga (21 568 / 14 633) yoki 32,2 foizga, jinoyat qidiruv sohasidagi jinoyatlar soni esa 5 623 taga (13 482 / 7 859) yoki 41,7 foizga kamaydi.
- Respublikada 9 093 ta mahalla fuqarolar yig‘inlaridan 5 747 tasida jinoyatlar sodir etilishiga yo‘l qo‘yilmadi va yana 1 266 ta mahallada sodir etilgan jinoyatlar soni kamayishiga erishildi.
- Yo‘l harakati xavfsizligini ta’minlash borasida 35 ta mobil va statsionar radarlar qo‘shimcha xarid qilinib, ularning soni 116 taga
- Andijon, Namangan, Farg‘ona va Toshkent viloyatlarida 181 ta chorraha va 226 ta yo‘l uchastkalarida Yo‘l harakati qoidabuzarliklarini foto-video fiksatsiya qilishning avtomatlashtirilgan tizimi loyihasi amalga oshirilmoqda.
- Respublika avtomobil yo‘llarida 2,4 mln.dan ortiq yo‘l harakati qoidabuzarliklari aniqlanib, 231,4 mlrd so‘m miqdorida jarimalar undirilgan.
Izoh (0)