Bugun,

  • USD 11014.01
  • RUB 191.8
  • EUR 10674.78

DXX Samarqand viloyati boshqarmasi xodimlari tomonidan olib borilgan tezkor tadbirlar natijasida Urgut tumanida yashovchi, 1987- yilda tug‘ilgan Bahrom Aliqulovning xonadoni yerto‘lasidan sotish maqsadida yashirib qo‘yilgan 4 kilogramm 635 gramm “opiy” moddasi topildi. Bu haqda O‘zA xabar bermoqda.

Foto: O‘zA

Foto: O‘zA

Aniqlanishicha, ushbu og‘u Bahrom Aliqulovning ukasi, 1997-yilda tug‘ilgan Hasan Shukurovning Tojikiston Respublikasi, So‘g‘d viloyati, Panjikent tumanida yashovchi tanishi “Rajab” ismli shaxs tomonidan Toshkent viloyatining Bekobod tumaniga kontrabanda yo‘li bilan o‘tkazilib, tegishli joyga yashirib ketilgan. O‘z navbatida, Bahrom Aliqulov mazkur giyohvandlik vositasini Urgut tumanidagi yashash manziliga olib kelgan. Ushbu ishga aloqador bo‘lgan Bahrom Aliqulovning ukasi Hasan Shukurov ham hibsga olindi.

Bundan tashqari, Davlat xavfsizlik xizmati xodimlarining ichki ishlar idoralari xodimlari bilan Samarqand shahrida o‘tkazgan boshqa bir tezkor tadbiri davomida Tojikiston Respublikasi fuqarolari Uchqun Imomov hamda Doud Qarobekov 1 kilogramm 855 gramm “opiy” giyohvandlik vositasini mamlakatga kontrabanda yo‘li bilan olib kirib, 20 ming AQSh dollariga sotayotgan vaqtida qo‘lga olindi.

Aniqlanishicha, Tojikistonning So‘g‘d viloyati, Panjikent tumanida yashovchi, 1985-yilda tug‘ilgan Uchqun Imomov va 1983-yilda tug‘ilgan Doud Qarobekov ushbu “opiy” moddasini “VAZ-2110” rusumli avtomashinaning yoqilg‘i bakiga joylashtirib, yashirincha olib o‘tgan.

Hozirda ushbu holatlar yuzasidan Jinoyat kodeksining tegishli moddalariga asosan jinoyat ishlari qo‘zg‘atilib, tergov harakatlari olib borilmoqda.

Izoh
Asosiy yangiliklar
Dunyo
NATO razvedkasi Rossiya “Poseydon” yadroviy qurilmasini uchirishi ehtimoli haqida ogohlantirdi
Mahalliy
O‘zbekistonda 4-oktabr kuni harorat 30 darajagacha ko‘tariladi
Mahalliy
Toshkentda IIB xodimi o‘ldirilib, jasadi Chirchiq daryosiga tashlab yuborildi