Bugun,

  • USD 11095.31
  • RUB 173.84
  • EUR 10772.44

“Daryo”da Qashqadaryo viloyatining Mirishkor tumanidagi 8-,11- va 12-sonli bolalar bog‘chasida karovat yo‘qligi bois, bolalar yerda yotishga majbur bo‘layotgani xususida so‘z yuritgandik. Ushbu maqola omma e’tiboriga havola etilgach, Mirishkor tuman hokimi ushbu muammoga yechim topdi.

12-bog‘cha bolalari.

12-bog‘cha bolalari.
Foto: “Daryo”

“Daryo” muxbiri Otabek Qo‘ldoshevning ma’lum qilishicha, maqola chop etilgan kuni — 1-iyul kechki soat 17:00 da tuman hokimi Ravshan Komilov boshchiligida tuman mas’ullari ushbu masalani muhokama qilishgan.

Mirishkor tumani hokimligi binosi.

Mirishkor tumani hokimligi binosi.
Foto: “Daryo”

— Aybdorlar, albatta o‘z jazosini oladi, — deydi tuman hokimi Ravshan Komilov. – Mazkur muammoga e’tiborsiz qaragan tuman maktabgacha ta’lim bo‘limi mudiri ushbu holat bo‘yicha izoh beradi. Ushbu masalani tuman prokurori batafsil o‘rganishni boshladi. Aybdorlarni qattiq jazolaymiz. Bugunoq maqolada tilga olingan bog‘chalarni karovatlar bilan ta’minlaymiz.

Foto: “Daryo”

Tuman hokimining aytishicha, 11-sonli bolalar bog‘chasida biz holatni o‘rgangan kun — 28-iyun kuni ham 10 ta yangi karovat mavjud bo‘lgan. Ammo bolalar yotoqxonasiga olib kirilmagan. Bog‘cha mudirasi bor karovatni ham ishlatmasdan, bo‘sh xonada saqlab kelgan. Hokim gapining isboti sifatida o‘sha karovatlar syomka qilingan videoni ham taqdim etdi. Qiziq, bor karovat nima uchun olib kirilmagan, nega jurnalist holatni o‘rganayotgan payti ko‘rsatilmagan buyog‘i bizga qorong‘i.

Foto: “Daryo”

Ma’lum qilinishicha, ayni paytda tuman budjetida ijtimoiy soha obyektlarini qo‘llab-quvvatlash uchun 1 milliard 700 million so‘m mablag‘ mavjud bo‘lib, bolalar bog‘chasiga olib berilishi mo‘ljallangan karovatlar ushbu mablag‘lar hisobidan qoplanadi.

Tuman hokimligidagi muhokama yakuniga yetgach, Qashqadaryo viloyat maktabgacha ta’lim boshqarmasi boshlig‘i Asror Alimardonov, tuman hokimi o‘rinbosari Azamat Toshev, tuman maktabgacha ta’lim bo‘limi mudiri Baxtiyor Karimov boshchiligidagi ishchi guruh Jeynov qishlog‘idagi bog‘chalarga yo‘l oldi.

Foto: “Daryo”

“Daryo” muxbirining qo‘shimcha qilishicha, muhokamadan so‘ng tuman mas’ullari tomonidan kechki soat 21:00 da buyurtma qilingan karovatlarning dastlabki 30 “komplekti” kechki soat 23:00 da 11-sonli bog‘chaga yetkazib berildi.

Foto: “Daryo”

— 30 “komplekt” karovat bu 60 nafar bola yotishi uchun yetarli karovatlar degani, — deydi tuman maktabgacha ta’lim bo‘limi mudiri Baxtiyor Karimov. – Yana 10 “komplekt” karovat bo‘lsa, ushbu bog‘cha ehtiyoji qondiriladi. Qolgan karovatlarimiz ham yuk mashinalarga ortilgan bo‘lib, bugunoq manziliga yetkazib beriladi.

Foto: “Daryo”

Baxtiyor Karimovga ko‘ra, dastlabki maqolada tilga olingan 3 ta bog‘chaga 270 nafar bola uchun karovatlar xarid qilindi. Yana bir quvonarli jihati tuman hokimligi ushbu tashabbus bahonasida mazkur bog‘chalardagi har bir guruh uchun 3 ta bog‘chaga jami 18 ta konditsioner va har bir bog‘cha uchun bittadan muzlatgich va televizor ham xarid qilmoqda.

Foto: “Daryo”

Foto: “Daryo”

Foto: “Daryo”

Izoh
Asosiy yangiliklar
Dunyo
“Daryo” kundaligida 9-dekabrda sodir bo‘lgan eng muhim voqealar
Dunyo
Qozog‘iston Rossiyaga zirhli texnika jo‘natishi haqida xabarlar tarqaldi (video)
Madaniyat
Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video)