Futbol bo‘yicha Kopa Amerika—2019 musobaqasining “C” guruhida 24-iyun, dushanba kuni 3-tur bahslari o‘tkaziladi.
Turning markaziy o‘yinida Oskar Tabares qo‘l ostidagi Urugvay terma jamoasi muddatidan avval pley-off yo‘llanmasini qo‘lga kiritgan Chili termasiga qarshi maydonga tushadi.
Eslatib o‘tamiz, urugvayliklar musobaqaning 2-turida Yaponiya termasi bilan 2:2 hisobida durang o‘ynagandi. Chili esa Ekvadorni 2:1 hisobida mag‘lubiyatga uchratgandi.
Shu kuni Hadzime Moriyasu boshqaruvidagi Yaponiya terma jamoasi Ekvador termasi bilan bahsga kirishadi. Ikkala uchrashuv ham Toshkent vaqti bilan soat 04:00 da start oladi.
Ma’lumot uchun, Yaponiya 1 ochko to‘plagan holda “C” guruhida 3-o‘rinni egallab turibdi. Ekvador esa 2-tur natijasiga ko‘ra ochko yig‘a olmadi. Guruhda birinchi o‘rinni egallab turgan Chili termasi hisobida 6 ochko mavjud bo‘lsa, Urugvay 4 ochko jamg‘arib 2-pog‘onadan joy olib turibdi.
Kopa Amerika—2019
3-tur bahslari
24-iyun, dushanba
“C” guruhi
Chili—Urugvay 04:00
Ekvador—Yaponiya 04:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)