Bugun,

  • USD 11095.31
  • RUB 173.84
  • EUR 10772.44

Innovatsion rivojlanish vazirining maslahatchisi Karsten Xayns boshchiligidagi O‘zbekiston delegatsiyasi Bryusselda “Yevropa rivojlanish kunlari” xalqaro forumida ishtirok etdi.Bu haqda “Daryo”ga vazirlik matbuot xizmati ma’lum qildi.

Foto: Innovatsion rivojlanish vazirligi

Foto: Innovatsion rivojlanish vazirligi

Yevropaning mazkur nufuzli keng qamrovli tadbiri mamlakatlarning rivojlanish va moliyaviy-texnik hamkorlik masalalariga bag‘ishlangan bo‘lib, YEI komissiyasi tomonidan 2006-yildan beri o‘tkazib kelinadi. Unda har yili turli muassasalar va Yevropa Ittifoqi mamlakatlari, donorlar, retsipiyentlar, xalqaro tashkilotlar, shuningdek, xususiy sektor va fuqarolik jamiyatlari vakillaridan iborat 8 ming nafardan ortiq ishtirokchi qatnashdi.

Mazkur forum doirasida Innovatsion rivojlanish vaziri maslahatchisi Karsten Xayns Buyuk Britaniyaning sobiq bosh vaziri Toni Bler bilan uchrashdi. Britaniyalik siyosatchi Yevropaning ko‘plab yetakchi siyosatchilari, jamoat arboblari, xalqaro tashkilotlar vakillari qatorida xalqaro forumida ishtirok etish uchun kelgan.

Suhbat chog‘ida tomonlar O‘zbekiston va Buyuk Britaniya o‘rtasidagi innovatsion hamkorlikning bugungi holati va istiqbollari to‘g‘risida suhbatlashdi. T. Bler mamlakatda amalga oshirilayotgan islohotlar va o‘zbek hamkorlar bilan yaqindan aloqa bog‘lashga qiziqish bildirdi.

Ishchi tashrif doirasida O‘zbekiston delegatsiyasi Bryussel savdo-sanoat palatasi, Yevropa tashqi aloqalar xizmati, Yevropa Ittifoqining Xalqaro hamkorlik va rivojlanish bo‘yicha bosh direktorati hamda Tadqiqotlar va innovatsiyalar bosh direktorati mas’ullari bilan muzokaralar olib bordi.

Foto: Innovatsion rivojlanish vazirligi

Foto: Innovatsion rivojlanish vazirligi

K. Xayns Bryussel savdo-sanoat palatasining ijrochi direktori Olivye Villokka O‘zbekistonda ilmiy tadqiqotlar va texnologiyalarni rivojlantirish bo‘yicha Yevropa Ittifoqining ikki tomonlama dasturlari doirasida hamkorlik qilish bo‘yicha taklif berdi. O‘zbekistonning innovatsion faoliyati bilan yaqindan tanishish uchun Villok 2019-yilning 29—31-oktabr kunlari “O‘zekspomarkaz”da bo‘lib o‘tadigan InnoWeek innovatsion g‘oyalar haftaligiga taklif etildi.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi