“O‘zbektelekom” tarifda e’lon qilingan internet tezligi nima sababdan ba’zan 100 Mbit/s ni tashkil etmasligi bo‘yicha izoh berdi, shuningdek, internet tezligini oshirish usullarini ma’lum qildi.
“Barchamiz ofis yoki xonadonga qayd etilgan simli Internetni simsiz Wi-Fi tarmog‘i orqali “tarqatilishi”ga o‘rganganmiz. Ammo, Wi-Fi routerimiz qanday Wi-Fi standartlariga javob berishiga juda kam e’tibor qaratamiz. Avvallari buni bilishning hojati ham yo‘q edi, chunki provayderdan tarif rejasidagi ulanish tezligi har doim 100 Mbit/s dan past bo‘lgan.
Misol uchun, bugungi kunda abonentlar “UNLIM 100” tarif rejasiga ulanayotganda, Wi-Fi tarmog‘ining haqiqiy uzatish tezligi ba’zida 100 Mbit/s dan past ekanligi ma’lum bo‘ladi. Sababi nimada? Muammo nimada: provayderdami yoki uy qurilmasidami?
Avvalo, birinchi navbatda, uyingizdagi Wi-Fi routeringizning texnik imkoniyatlarini o‘rganish zarur. “Wi-Fi” atamasi bilan bog’liq ko‘plab standartlar mavjud bo‘lib, ularning barchasi chastota va maksimal ma’lumotlarni uzatish tezligi jihatidan o’z xususiyatlariga ega. Ehtimol, aynan sizning qurilmangiz 100 Mbit/s tezlikda ishlaydigan texnik imkoniyatga ega bo‘lmasligi yoki router noto‘g‘ri o‘rnatilgan bo‘lishi hamda oxirgi foydalanuvchigacha bo’lgan tezlikka ta’sir etadigan radio to‘lqinlar uchun to‘siqlar mavjud bo‘lishi ham mumkin. Buning bir nechta sabablari mavjud”, — deyiladi kompaniya xabarida.
“Tezlikni qanday oshirish mumkin?” — degan savolga javoban quyidagicha tavsiyalar berilgan:
Simsiz aloqa ulanish tezligi juda ko‘p turli omillarga bog‘liq bo‘ladi. Imkon qadar, router va abonеnt qurilmalari bir xonada joylashishi va ular orasida hech qanday to‘siq (devorlar, to‘suvchi buyumlar va boshqalar) mavjud bo‘lmagani ma’qul. Wi-Fi routerining texnik ko‘rsatkichlari va uning sozlamalariga ko‘p narsa bog‘liq bo‘ladi. Masalan, bugungi kunda routerlarning eng keng tarqalgan modellari 2.4 GGts (802.11n) standartini qo‘llab-quvvatlaydi, yangi modellar esa 5 GGs (802.11ac) standartiga javob beradi. Ishlab chiqaruvchi tomonidan ma’lum qilingan tezlik va mazkur standartlar 100 Mbit/s dan ancha yuqori, biroq aslida, haqiqiy tezlik juda past bo‘lishi mumkin.
5 GGts (802.11ac) standartiga javob beruvchi Wi-Fi routerlarni xarid qilishni tavsiya qilamiz. Bunday holda tezlik 5 GHzli chastotada simsiz tarmoqqa nisbatan amal qilish davri ancha kamroq bo‘lsa-da, tezlik yuqori bo‘ladi. Agar siz ikki diapazonli routerdan foydalansangiz, provayderga to‘lovni amalga oshiradigan 100 Mbit/s. tezlikda ulanishning to‘liq salohiyatini ochish mumkin. Shuningdek, gigabit portlari (tezligi WAN va LAN - 1 Gbit/s.)ga ega routerni ham ko‘rib chiqishingiz mumkin.
Izoh (0)