Bugun,

  • USD 11095.31
  • RUB 173.84
  • EUR 10772.44

Dasturni Jizzax davlat pedagogika instituti tarix fakulteti, tarix o‘qitish metodikasi kafedrasi katta o‘qituvchisi Farrux Akchayev va talaba Farrux Pardaboyev viloyat turizmni rivojlantirish hududiy boshqarmasi xodimi Lola Sanayeva bilan hamkorlikda ishlab chiqdi, deb xabar qiladi O‘zA.

Foto: O‘zA

Foto: O‘zA

Viloyatda sayyohlarni qiziqtiradigan tarixiy-arxeologik manzillar ko‘p. 372 ta madaniy meros obyektlari davlat muhofazasiga olingan. Shundan 42 tasi tarixiy obida va ziyoratgoh, 267 tasi arxeologik yodgorlik, 63 tasi monumental yodgorliklardir.

Internetning Google tarmog‘ida Shrines of Jizzakh deb atalgan ushbu mobil dasturdan viloyatdagi muqaddas qadamjolar va ziyoratgohlar haqida ma’lumotlar, ularning fotosuratlari o‘rin olgan. Dasturda ko‘rsatilgan maxsus tugmacha bosilsa, har bir inshootga borish yo‘nalishi, masofasi ko‘rsatiladi.

Mobil dasturga ma’lumotlarning 40 ta xorijiy tildagi tarjimasi kiritilgani undan foydalanuvchilarga, ayniqsa sayyohlarga katta qulaylik yaratadi.

“Jizzax mamlakatimiz markaziy qismida joylashganligi, respublikamiz shaharlarini va qo‘shni davlatlarni bog‘lovchi avtomobil hamda temiryo‘l ushbu viloyat hududi orqali o‘tgani turizmni rivojlantirishda katta imkoniyatlaridan biri hisoblanadi. Ayni paytda ushbu imkoniyatlardan samarali foydalanib hududga sayyohlarni jalb etish maqsadida bir qator innovatsion loyihalar amalga oshirilayotir. Internet tarmog‘ida viloyatdagi qadamjolar haqida ma’lumot beruvchi mobil ilovaning yaratilishi ziyorat turizmini niyat qilgan xorijlik mehmonlar va hamyurtlarimiz uchun yana bir qulaylik bo‘ldi”, — deydi viloyat turizmni rivojlantirish hududiy boshqarmasi xodimi Lola Sanayeva.

Izoh
Asosiy yangiliklar
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi
Mahalliy
Xorazmda ikki kishi is gazidan vafot etdi