15-iyun, shanba kuni futbol bo‘yicha O‘zbekiston Spuerligasining 11-turida Toshkentning “Lokomotiv” klubi o‘zn uyida Termizning “Surxon” jamoasini qabul qildi.
Uchrashuv davomida “temiryo‘lchilar” vakillari Islom To‘xtaxo‘jayev (16), Yovan Jokich (27), Arslonmurod Omonov (67), Temurxo‘ja Abduholiqov (73), Aziz Omonov (88) raqib darvozasini ishg‘ol qilgan bo‘lsa, mehmon jamoadan Abbosbek Maxstaliyev o‘z nomiga bitta gol yozdirib qo‘ydi (5:1).
Shu tariqa toshkentliklar o‘z maydonida “Surxon” ustidan yirik hisobda zafar quchdi.
Mazkur g‘alabadan so‘ng musobaqa jadvalida ikkinchi o‘rinda borayotgan “Lokomotiv” ochkolari sonini 21 taga yetkazib oldi. Termizliklar hisobida esa 18 ochko mavjud va jamoa 3-pog‘onani egallab turibdi.
Superliga
11-tur bahslari
15-iyun, shanba
“Lokomotiv”—“Surxon” 5:1
Gollar: 1:0 — 16 Islom To‘xtaxo‘jayev, 2:0 — 27 Yovan Jokich, 3:0 — 67 Arslonmurod Omonov, 4:0 — 73 Temurxo‘ja Abduholiqov, 4:1 — 79 Abbosbek Maxstaliyev, 5:1 — 88 Aziz Omonov“Lokomotiv”: Javohir Ilyosov, Davron Hoshimov, Islom To‘xtaxo‘jayev, Anzur Ismoilov, Oleg Zoteyev, Yovan Jokich, Igor Yelich, Azizbek Haydarov (Azizbek Omonov, 46), Jamshid Iskandarov, Arslonmurod Omonov (Diyor Turopov, 72), Temurxo‘ja Abduholiqov (Javohir Alijonov, 80)
“Surxon”: Asilbek Omonov, Abduqahhor Xojiakbarov, Ayubxon No‘monov, Rahmatullo Berdimurodov, Sherzod Karimov (Abbosbek Maxstaliyev, 66), Shavkat Salomov, Abdulaziz Yusupov (Azamat Allaniyozov, 69), Abror Ismoilov, Vladimir Bubanya, A’zam Aliyev, Darko Stanoyevich
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)