YChL. “Manchester Siti” o‘z uyida “Tottenhem” bilan o‘ynaydi, “Liverpul” esa “Portu” maydoniga safar qiladi
17-aprel, chorshanba kuni futbol bo‘yicha Yevropa Chempionlar Ligasi 1/4 finalining navbatdagi 2 ta javob uchrashuvi o‘tkaziladi.
Kunnning dastlabki o‘yinida Yurgen Klopp qo‘l ostidagi “Liverpul” jamoasi safarda Portugaliyaning “Portu” klubiga qarshi maydonga tushadi.
Eslatib o‘tamiz, mersisaydliklar musobaqa 1/4 finalining ilk o‘yinida “Enfild”da “Portu” darvozasiga javobsiz 2 ta to‘p kiritgandi (2:0).
Shu kuni Xosep Gvardiola boshliq “Manchester Siti” o‘z maydonida Angliyaning boshqa bir jamoasi “Tottenhem”ni qabul qiladi. Ikkala uchrashuv ham Toshkent vaqti bilan soat 00:00 da boshlanadi.
Ma’lumot uchun, “mankunianlar” mazkur bosqichning dastlabki o‘yinida mehmonda “shporlar”ga kichik hisobda mag‘lub bo‘lgandi (0:1).
YChL
1/4 final bahslari
17-aprel, chorshanba
“Portu”—“Liverpul” 00:00 (0:2)
“Manchester Siti”—“Tottenhem” 00:00 (0:1)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
