“Daryo” Twitter’da o‘tgan haftada bahs va munozaralarga sabab bo‘lgan mashhur tvitlarga to‘xtalib o‘tadi. Mazkur tvitlar xalqaro tashkilotlar vakillariniki, siyosatchilarniki, gazetalarniki va hattoki sizniki ham bo‘lishi mumkin.
“Fan olamda ingliz tili imperializmi boshlandi. Barcha sohalarda eng zo‘r sifatli ro‘znoma, jurnallarning barchasi ingliz tilida. Bu boshqa tillarni xavf ostida qoldiruvchi o‘ziga xos imperializmdir. Boshqa tillarda ham ilmiy jurnal va manbalar zaxirasini tashkil qilish kerak”, — deydi Joliya G‘aribova (Jale Garibova), Ozarbayjon tillar universiteti professori.
Aholisi eng uzoq umr ko‘radigan mamlakatlar top o‘ntaligi. Bu mamlakatlarda aholi o‘rtacha 80 yil umr ko‘radi:
1. Yaponiya;
2. Singapur;
3. Shveysariya;
4. Ispaniya;
5. Andorra;
6. Avstraliya;
7. Fransiya;
8. Italiya;
9. Islandiya;
10. Isroil.
“Ispaniyadagi Pontevedra shahri hokimi 19 yil avval shahar markazida avtomashinalar harakatini keskin taqiqlab qo‘ydi, tezlikni soatiga 30 kilometr/soatgacha pasaytirdi. Natijada atmosferaga karbonad angidrid gazining chiqarilishi 30 foizga kamaydi va 2009-yildan beri shaharda biror marta yo‘l-transport hodisasi yuz bermadi”, — BMT bayonoti.
“Hozirgi paytda Rossiya, Buyuk Britaniya, Xitoy, Fransiya va AQSh yer usti va suv ostidan uzoq masofaga uchadigan raketalari orqali dunyoning istalgan nuqtasiga zarba berishga qodirligini bilarmidingiz?” — Turkiyadagi Rossiya tadqiqotlari instituti.
“Rekord darajadagi — 70 foiz rossiyaliklar Stalin Rossiya tarixida ijobiy rol o‘ynaganiga ishonadi, 19 foiz ruslar esa Stalin haqida salbiy fikrga ega. O‘tgan yilgi so‘rov natijalariga ko‘ra, 18-24 yosh oralig‘idagi ruslar Stalin qatag‘onlari haqida hech qachon eshitmagan ekan”, – Alek Lun, The Telegraph.
“Notr-Damni yong‘in qurshovida ko‘rish yurakni ezadigan manzara. Kanada xalqi halokatli yong‘inga qarshi kurash olib borayotgan fransuz xalqi bilan birgadir”, — Jastin Tryudo, Kanada bosh vaziri.
“Qozog‘iston prezidenti Qosim-Jo‘mart To‘qayev O‘zbekiston prezidenti Shavkat Mirziyoyev bilan uchrashdi. Qozog‘iston va O‘zbekiston ham siyosiy, ham iqtisodiy jihatdan yaqinlashmoqda. Bu ham biz uchun muhim”, — Qurshod Zo‘rlu, turkiy xalqlar bo‘yicha ekspert.
Jahongir Ergashev tayyorladi.
Izoh (0)