«Дарё» Twitter’да ўтган ҳафтада баҳс ва мунозараларга сабаб бўлган машҳур твитларга тўхталиб ўтади. Мазкур твитлар халқаро ташкилотлар вакиллариники, сиёсатчиларники, газеталарники ва ҳаттоки сизники ҳам бўлиши мумкин.

«Фан оламда инглиз тили империализми бошланди. Барча соҳаларда энг зўр сифатли рўзнома, журналларнинг барчаси инглиз тилида. Бу бошқа тилларни хавф остида қолдирувчи ўзига хос империализмдир. Бошқа тилларда ҳам илмий журнал ва манбалар захирасини ташкил қилиш керак», — дейди Жолия Ғарибова (Jale Garibova), Озарбайжон тиллар университети профессори.

Аҳолиси энг узоқ умр кўрадиган мамлакатлар топ ўнталиги. Бу мамлакатларда аҳоли ўртача 80 йил умр кўради:

1. Япония;

2. Сингапур;

3. Швейцария;

4. Испания;

5. Андорра;

6. Австралия;

7. Франция;

8. Италия;

9. Исландия;

10. Исроил.

«Испаниядаги Понтеведра шаҳри ҳокими 19 йил аввал шаҳар марказида автомашиналар ҳаракатини кескин тақиқлаб қўйди, тезликни соатига 30 километр/соатгача пасайтирди. Натижада атмосферага карбонад ангидрид газининг чиқарилиши 30 фоизга камайди ва 2009 йилдан бери шаҳарда бирор марта йўл-транспорт ҳодисаси юз бермади», — БМТ баёноти.

«Ҳозирги пайтда Россия, Буюк Британия, Хитой, Франция ва АҚШ ер усти ва сув остидан узоқ масофага учадиган ракеталари орқали дунёнинг исталган нуқтасига зарба беришга қодирлигини билармидингиз?» — Туркиядаги Россия тадқиқотлари институти.

«Рекорд даражадаги — 70 фоиз россияликлар Сталин Россия тарихида ижобий рол ўйнаганига ишонади, 19 фоиз руслар эса Сталин ҳақида салбий фикрга эга. Ўтган йилги сўров натижаларига кўра, 18-24 ёш оралиғидаги руслар Сталин қатағонлари ҳақида ҳеч қачон эшитмаган экан», – Алек Лун, The Telegraph.

«Нотр-Дамни ёнғин қуршовида кўриш юракни эзадиган манзара. Канада халқи ҳалокатли ёнғинга қарши кураш олиб бораётган француз халқи билан биргадир», — Жастин Трюдо, Канада бош вазири.

«Қозоғистон президенти Қосим-Жўмарт Тўқаев Ўзбекистон президенти Шавкат Мирзиёев билан учрашди. Қозоғистон ва Ўзбекистон ҳам сиёсий, ҳам иқтисодий жиҳатдан яқинлашмоқда. Бу ҳам биз учун муҳим», — Қуршод Зўрлу, туркий халқлар бўйича эксперт.

Жаҳонгир Эргашев тайёрлади.