O‘zbekistonda avtobuslarda nimalar taqiqlangan?

Adliya vazirligining “Huquqiy axborot” Telegram-kanali O‘zbekistonda avtobuslarda taqiqlangan xatti-harakatlarni keltirib o‘tdi.

— yo‘lovchilarning mast holda avtobusga chiqishi;

— alkogol va tamaki mahsulotlarini avtobus ichida iste’mol qilish;

— haydovchi (konduktor)ning ruxsatisiz oynalarni ochish;

— oynadan tashqariga osilish;

— tez yonuvchan, portlovchi, zaharlovchi, zaharli, qo‘lansa, radioaktiv moddalar va ashyolarni, g‘ilofsiz o‘q otar qurol, tig‘li va keskir ashyolarni olib yurish;

— o‘lchami 100 sm x 50 sm x 30 santimetrdan katta yoki bitta o‘rin uchun og‘irligi 60 kilogrammdan ortiq buyumlarni, shuningdek uzunligi 200 santimetrdan ortiq bo‘lgan buyumlarni olib yurish;

— salonni yoki yo‘lovchilarning kiyimlarini iflos qiluvchi buyumlar va ashyolarni olib yurish;

— tumshuqbog‘siz itlar va boshqa hayvonlarni olib yurish.