2-aprel, seshanba kuni futbol bo‘yicha Angliya chempionatining 33-turidan o‘rin olgan “Vulverhempton”—“Manchester Yunayted” uchrashuvida hakam Mayk Din “qizillar” himoyachisi Eshli Yangni maydondan chetlatdi (1:2).
O‘yinning 52 va 57-daqiqalarida Yang ikkita sariq kartochka ishlab oldi.
50 yoshli Din musobaqa tarixida 100 ta qizil kartochka ko‘rsatgan birinchi hakam bo‘ldi, deb xabar berdi Gracenote Live.
18 yil avval u Angliya chempionatida faoliyatidagi ilk qizil kartochkasini ko‘rsatgandi.
Din 2001-yilning 14-aprelida bo‘lib o‘tgan “Nyukasl”—“Ipsvich” uchrashuvida (0:1) Nolberto Solanoni maydondan chetlatgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)