Poroshenko 2019-yilning ilk oylarida qariyb bir milliard grivna daromad olgan

Ukraina prezidenti Pyotr Poroshenko joriy yilning dastlabki ikki oyida 856 million grivna daromad olgan, deya xabar beradi “Korrespondent”.

2018-yil uchun to‘liq daromad deklaratsiyasini u 31-martgacha topshirishi lozim.

Prezident 2019-yilning birinchi ikki oyida 856,4 million grivnani deklaratsiya qilgan.

Faqat 1-fevraldan 1-martga qadar Poroshenko 280,4 million griven daromadini dekalarsiya qilgan: 169,6 million “Prime Asset Capital” YoAJ aksiyadorlik kapitalidan, 2,1 million Xalqaro investitsiya bankidan (XIB), 4,6 million investitsion faoliyat hamda 104,1 million Moliya vazirligi davlat zayomlarini sotib olish xarajatlari va ichki davlat obligatsiyalaridan.

2018-yilgi Poroshenkoning daromadi kamida 754 million grivnaga teng bo‘lgan, bu 2017-yildan 46 barobar ko‘pdir.