Butunjahon boks assotsiatsiyasi WBA professional bokschilarining yangi reytingini e’lon qildi. Unda Shohjahon Ergashev (16 ta g‘alaba, 14 ta nokaut) o‘rnini yaxshilab oldi. Bu haqda GoSport xabar berdi.
Super yengil vazn (-63,5 kg) toifasida ringga ko‘tarilayotgan Shohjahon Ergashev fevral oyi reytingida bir pog‘ona yuqorilab, 4-o‘ringa ko‘tarilib oldi. O‘tgan oydagi reytingda 15-o‘rinda borayotgan Shahram G‘iyosov esa bu safar undan o‘rin egallay olmadi.
Yangilangan reytingda ikkinchi yarim yengil (-55,34 kg) vazn toifasi vakili Murodjon Ahmadaliyev 1-o‘rinni saqlab qoldi va jahon chempionlik kamari uchun birlamchi da’vogar nomini saqlab qoldi.
Shuningdek, super yarim o‘rta (-69,85 kg) vazn toifasida bitta jang o‘tkazgan Isroil Madrimov (1 ta g‘alaba, 1 ta nokaut) esa reytingda 9-o‘rinda qolgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)