Бутунжаҳон бокс ассоциацияси WBA профессионал боксчиларининг янги рейтингини эълон қилди. Унда Шоҳжаҳон Эргашев (16 та ғалаба, 14 та нокаут) ўрнини яхшилаб олди. Бу ҳақда GoSport хабар берди.
Супер енгил вазн (-63,5 кг) тоифасида рингга кўтарилаётган Шоҳжаҳон Эргашев февраль ойи рейтингида бир поғона юқорилаб, 4-ўринга кўтарилиб олди. Ўтган ойдаги рейтингда 15-ўринда бораётган Шаҳрам Ғиёсов эса бу сафар ундан ўрин эгаллай олмади.
Янгиланган рейтингда иккинчи ярим енгил (-55,34 кг) вазн тоифаси вакили Муроджон Аҳмадалиев 1-ўринни сақлаб қолди ва жаҳон чемпионлик камари учун бирламчи даъвогар номини сақлаб қолди.
Шунингдек, супер ярим ўрта (-69,85 кг) вазн тоифасида битта жанг ўтказган Исроил Мадримов (1 та ғалаба, 1 та нокаут) эса рейтингда 9-ўринда қолган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)