Yaqin kunlarda O‘zbekistonning “Sakil” musiqiy guruhi Eronda bo‘lib o‘tgan “Fajr” xalqaro musiqa festivalida o‘z chiqishlari bilan qatnashdi. Bu haqda “UzDaily” xabar berdi.
Eron poytaxtidagi “Niavaran” madaniyat va san’at markazi konsert zalida o‘tkazilgan musiqa forumi doirasida “Sakil” o‘zbek musiqiy guruhining yakkaxon konserti bo‘lib o‘tgan.
Eronning mashhur madaniyat va san’at xodimlari, shuningdek, Eronda yashovchi hamyurtlarimiz faxriy mehmonlar sifatida festivalda ishtirok etgan.
“Sakil” guruhi tomonidan festivalda taqdim etilgan repertuar asosan an’anaviy va xalq musiqasidan iborat bo‘lgan. Umumiy hisobda musiqa ansambli 13 ta musiqa ijro etgan.
O‘zbek san’atkorlarining ijrosi Eron jamoatchiligi tomonidan hayajon bilan qabul qilingan. Yakuniy “Ajam taronalari” maqom ijrosi, ayniqsa, olqishlar bilan kutib olingan.
Izoh (0)