19-fevral, seshanba kuni futbol bo‘yicha Osiyo Chempionlar Ligasi guruh bosqichiga chiqishda 3-saralash bosqich o‘yinlari bo‘lib o‘tadi.
Toshkentning “Paxtakor” klubi BAAning “Al-Nasr” jamoasiga qarshi maydonga tushadi. Ta’kidlash joiz, “Paxtakor” 12-fevral kuni o‘z maydonida Iroqning “Eyr Fors” klubini 2:1 hisobida mag‘lub etib, 3-saralash bosqichiga chiqqan edi.
O‘zbekiston Kubogi sohibi Olmaliqning OKMK klubi Saudiya Arabistonining “Al-Nassr” jamoasi bilan bahsga kirishadi. Ikkala uchrashuv ham Toshkent vaqti bilan soat 20:00 da boshlanadi.
Eslatib o‘tamiz, Mirjalol Qosimov shogirdlari musobaqa 2-saralash bosqichida Tojikistonning “Istiqlol” klubini mag‘lub etgandi (4:2).
Osiyo Chempionlar Ligasi
3-saralash bosqichi
19-fevral, seshanba
“Al-Nasr”—“Paxtakor” 20:00
“Al-Nassr”—OKMK 20:00
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)