Kanadalik olimlar xotira yo‘qotilishi va bir qator psixik patologiyalar uchun yaratilgan eksperimental preparatning klinik tekshiruvlargacha bo‘lgan natijalarini taqdim qildi. Dori vositasi qarish jarayoni fonida kayfiyat tushishi, depressiya va xotiraning yomonlashishiga sabab bo‘luvchi shikastlangan miya retseptorlarini faollashtiradi.
Hayvonlarda o‘tkazilgan tajribalarda yangi preparat o‘zining effektivligini ko‘rsatdi. Agar insonlarda o‘tkazilgan tekshiruvlar ham buni tasdiqlasa, bu dori vositasini kelajakda keksa yoshda paydo bo‘ladigan kognitiv buzilishlarning oldini olishda effektiv profilaktika sifatida qo‘llash mumkin.
Dorining bir martalik dozasidan so‘ng qari sichqonlar labirintlardan o‘tishda yosh sichqonlar bilan deyarli bir xil natija ko‘rsatdi. Preparat ta’siri yarim soatdan so‘ng boshlandi va bu vaqt davomida kemiruvchilarning ishchi xotirasi 80-90 foizgacha o‘sdi. Dori moddasini ikki oy davomida, har kuni qo‘llanganda qari sichqonlardagi neyronlar holati yosh sichqonlardagi neyronlar darajasigacha tiklandi, demoqda mualliflar.
Olimlarning fikricha, yangi preparat qarilik fonida boshlangan Alsgeymer kasalligining boshlang‘ich davrlarida xotira buzilishlarini, depressiyani va bir qator psixik buzilishlarni davolaydi. Klinik tadqiqotlar ikki yil ichida boshlanishi kerak.
Bundan avval esa olimlar nogironlikka sabab bo‘luvchi lateral amiotrofik sklerozning davosi topilgan edi.
Izoh (0)