Депрессия ва қариликдаги хотира йўқолиши яқин келажакда янги препарат ёрдамида бартараф этилади

Канадалик олимлар хотира йўқотилиши ва бир қатор психик патологиялар учун яратилган экспериментал препаратнинг клиник текширувларгача бўлган натижаларини тақдим қилди. Дори воситаси қариш жараёни фонида кайфият тушиши, депрессия ва хотиранинг ёмонлашишига сабаб бўлувчи шикастланган мия рецепторларини фаоллаштиради.

Ҳайвонларда ўтказилган тажрибаларда янги препарат ўзининг эффективлигини кўрсатди. Агар инсонларда ўтказилган текширувлар ҳам буни тасдиқласа, бу дори воситасини келажакда кекса ёшда пайдо бўладиган когнитив бузилишларнинг олдини олишда эффектив профилактика сифатида қўллаш мумкин.

Дорининг бир марталик дозасидан сўнг қари сичқонлар лабиринтлардан ўтишда ёш сичқонлар билан деярли бир хил натижа кўрсатди. Препарат таъсири ярим соатдан сўнг бошланди ва бу вақт давомида кемирувчиларнинг ишчи хотираси 80-90 фоизгача ўсди. Дори моддасини икки ой давомида, ҳар куни қўлланганда қари сичқонлардаги нейронлар ҳолати ёш сичқонлардаги нейронлар даражасигача тикланди, демоқда муаллифлар.

Олимларнинг фикрича, янги препарат қарилик фонида бошланган Альцгеймер касаллигининг бошланғич даврларида хотира бузилишларини, депрессияни ва бир қатор психик бузилишларни даволайди. Клиник тадқиқотлар икки йил ичида бошланиши керак.

Бундан аввал эса олимлар ногиронликка сабаб бўлувчи латерал амиотрофик склерознинг давоси топилган эди.