Termiz davlat universitetida Qatag‘on qurbonlari xotira muzeyi ish boshladi

Termiz davlat universitetida Qatag‘on qurbonlari xotira muzeyi tashkil etildi, deb xabar berdi “Xalq so‘zi Online”.

Muzeyda zamonaviy texnik vositalar — sensor kiosk, monitorlar bilan jihozlangan podiumlarda turli hujjatlar, foto va video materiallar hamda qimmatli tarixiy eksponatlar joy olgan.

“Vatanimiz ozodligi yo‘lida jon fido qilganlarni xotirlash, ularning Vatan, xalq oldidagi buyuk xizmati va jasoratini yosh avlod o‘rtasida targ‘ib qilish maqsadida tashkil etilgan ushbu muzey eksponatlarini muntazam boyitib boramiz”, — deydi muzey direktori Anvar Boqiyev.