Berlin hayvonot bog‘ida hayvonlarga archali “ziyofat” uyushtirildi

Berlinning Tiyerpark hayvonot bog‘ida yashovchi hayvonlarga bayram “ziyofati” sifatida sotilmay qolgan yangi yil archalari keltirilgan. Bu haqda “TJournal” xabar berdi.

Fillarga yosh ignabargli daraxtlar, maymunlarga sabzavotlar bilan “bezatilgani”, yo‘lbarslarga esa go‘sht “bezakli” archalar berilgan.

Hayvonot bog‘i faqat sinovdan o‘tgan yetkazib beruvchilardan archalarini qabul qiladi, shu bilan birga archalar keltirilishidan avval bezatilmaganligiga e’tibor qaratiladi, aks holda ularda o‘yinchoq va kimyoviy moddalarning qoldig‘i bo‘lishi mumkin.