Bugun,

  • USD 11095.31
  • RUB 173.84
  • EUR 10772.44

Bosh prokuratura matbuot xizmati Xo‘jaoboddagi hayvonot bog‘ida sher qorovulni g‘ajib tashlagani haqidagi xabarlarga izoh berdi.

Foto: Bosh prokuratura matbuot xizmati

Foto: Bosh prokuratura matbuot xizmati

Qayd etilishicha, 2018-yil 30-dekabr kuni soat 16:30 lar chamasida “Usmonobod fayzi” MChJga qarashli qarashli Xo‘jaobod tumani, Xidirsha mahallasida joylashgan, ishga tushirilmagan hayvonot bog‘i soqchisi X.A. jamiyatda hech kim yo‘q vaqtda bu joyda boqilayotgan 2 ta sher yoniga ular bilan o‘ynash maqsadida borib, qafas ichiga kirganida, sherlar X.A.ga tashlangan.

Sud-tibbiy ekspertizasining dastlabki ma’lumotlariga ko‘ra, X.A “bo‘yin va tananing boshqa sohalarida ko‘plab ochiq yaralar, tananing orqa yuzasida ko‘plab o‘tkir botiq yaralar” va o‘tkir qon tomir yetishmovchiligi natijasida voqea joyida halok bo‘lgan.

Voqea joyiga tuman prokurori, tuman IIB boshlig‘i va tezkor tergov guruhi yetib borgan.

Tergovga qadar tekshiruv tuman IIB huzuridagi tergov bo‘linmasi tomonidan olib borilmoqda. Sud-tibbiy va sud-kriminalistik ekspertizalari tayinlangan.

Shuningdek 2018-yil 31-dekabr kuni Andijon viloyati bandlik bosh boshqarmasiga mehnat muhofazasi va texnika xavfsizligi talablari buzilgan yoki buzilmaganligi yuzasidan tekshiruv tayinlangan.

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova