Isroil mudofaa vaziri Isroil Kats mamlakat 12 kun davom etgan urushda Eron oliy rahbari Oyatulloh Ali Xomanaiyni o‘ldirmoqchi bo‘lganini ta’kidladi. Bu haqda Al Jazeera xabar berdi.
Vazir yahudiy davlati Xomanaiyni o‘ldirish uchun Qo‘shma Shtatlardan “ruxsat so‘ramasligini” aytgan. U Eron oliy rahnamosini o‘ldirmaslik uchun AQSH tomonidan ta’qiq qo‘yilganini rad etgan.
“Biz Xomanaiyni yo‘q qilmoqchi edik, ammo bunga operativ imkoniyat bo‘lmadi”, degan Kats o‘z intervyusida.
Vazirning ta’kidlashicha, Xomanaiy o‘z hayotiga suiqasd qilinishini bilgan va harbiy qo‘mondonlar bilan aloqani uzib, “juda chuqur yer ostiga” yashiringan. Kats agar Tehron yadroviy dasturini davom ettirsa, Isroil mamlakatga yana hujum qilishini ta’kidlagan.
Ammo Eron oliy rahnamosi urush paytida videomurojaatlar e’lon qilgan va uning o‘z generallaridan uzilib qolganini tasdiqlovchi dalillar mavjud emas. Xomanaiyning o‘ldirilishi mojaroning keskin tus olishiga sabab bo‘lardi. Eronda amalda davlat rahbari bo‘lishdan tashqari, oliy rahnamo butun dunyoda millionlab shia musulmonlari uchun oliy ma’naviy yetakchi hisoblanadi.
Izoh (0)