Ijtimoiy tarmoqlarda Aralash jang san’ati (MMA) jangchisi, xalqaro musobaqalar g‘olibi shahrixonlik Otabek Aliyev pichoqbozlik oqibatida o‘ldirilgani haqida xabarlar tarqalgandi. Turon24 mazkur xabarlarga aniqlik kiritdi.
Qayd etilishicha, hodisa joriy yilning 18-sentabr kuni sodir bo‘lgan. Otabek A.A. shaxs bilan bir kun avval janjallashib qoladi, janjal esa mushtlashuvga aylanadi. Ertasiga ular ko‘chada ko‘rishib qoladi. So‘ng orani ochiq qilish uchun Otabekning Cobalt rusumli mashinasiga o‘tirib tumandagi “Saidxon farovonligi” MCHJ qoshidagi avtotransport vositalariga metan-gaz quyish shoxobchasiga yo‘l olishadi.
“Orani ochdi qilish haqoratga ulanib, shu paytda A.A. yonida bo‘lgan bir dona xo‘jalik pichog‘i bilan qasddan Otabek Aliyevning qorin qismiga bir marotaba urib, uning hayoti uchun xavfli bo‘lgan og‘ir shikast yetkazadi. Otabek Aliyev og‘ir tan jarohati olib, 19-sentabr kuni shifoxonada vafot etadi. O‘sha kunning o‘zida tuman IIB tomonidan A.A.ga nisbatan Jinoyat kodeksining 104-moddasi 3-qismi “d” bandi bilan jinoyat ishi qo‘zg‘atildi. Tergov jarayonlari davom etmoqda”,— deb ma’lumot bergan Shahrihon tuman IIB boshlig‘i o‘rinbosari, tergov bo‘limi boshlig‘i Anvarjon Iminov.
Eslatib o‘tamiz, bu sportchilar bilan bog‘liq birinchi holat emas. Joriy yilning 9-avgust kuniga o‘tar kechasi Yunusoboddagi Aurum 898 tungi klubida erkin kurashchi Jamshid Kenjayev va klub qo‘riqchilari o‘rtasida janjal yuz bergan. Oqibatda Jamshid Kenjayev olgan jarohatlari sabab kasalxonada vafot etgandi.
Izoh (0)