O‘zbekiston va Rossiya ulgurji-taqsimot tarmoqlari va transport-logistik xablar yaratish loyihasini amalga oshiradi

O‘zbekiston va Rossiya ulgurji-taqsimot tarmoqlari va transport-logistik xablar yaratish bo‘yicha loyihani amalga oshiradi. Bu haqda Tashqi savdo vaziri Jamshid Xo‘jayev va Rossiya iqtisodiyot vaziri Maksim Oreshkin Toshkentda o‘tkazgan muzokaralar davomida ma’lum bo‘ldi.

“Maksim Oreshkin O‘zbekiston tomonining ushbu taklifini qo‘llab-quvvatladi. Bu yuklarni tashish uchun qulash sharoitlar yaratish va maxsus tariflar qo‘llash imkoniyatini beradi. Jumladan, tranzit davlatlar hududidan ham”, deyiladi vazirlik matbot xizmati xabarida.

Mazkur loyiha tadbirkorlik subyektlarining transport-logistika va transport-ekspeditsiya xizmatlariga bo‘lgan ehtiyojini qoplash uchun samarali logistika tarmog‘ini shakllantirishga xizmat qilishi bildirilmoqda.