2018-yilning 4-sentabr kuni Toshkent shahridagi Inha universiteti 9 yoshdan katta bo‘lgan bolalar uchun “Dasturlash soati” aksiyasini o‘tkazadi. Bu haqda universitet matbuot xizmati xabar bermoqda.
Aksiya O‘zbekiston Respublikasi mustaqilligining 27 yilligi munosabati bilan o‘tkazilmoqda.
“2015-yilda Toshkent shahridagi Inha universiteti 9 yoshdan 15 yoshgacha bo‘lgan bolalar uchun ‘Codecraft’ loyihasini ishga tushirdi. Loyihaning maqsadi – bolajonlarning barcha salohiyatlarini ro‘yobga chiqarib, kompyuterda ijodiy ishlarni bajarishga o‘rgatishdir”, — deyiladi xabarda.
Hozirda loyiha doirasidagi dasturlash kurslari “Scratch” tilida o‘tilib, “MIT App Inventor 2” platformasidagi “Android” mobil ilovalari asosida veb-saytlarni yaratish o‘rgatiladi.
10-sentabr kuni bo‘lib o‘tadigan aksiya davomida qatnashchilar bir soat ichida o‘yinlarni, mobil ilovalarni yoki veb sahifalarni yaratish bo‘yicha boshlang‘ich bilimlarni oladi.
Izoh (0)