Rossiya Afg‘onistonda IShID jangarilari va toliblarga qurollar yetkazayotgan notanish vertolyotlar parvozini qayd etdi. Bu haqda bugun, 23-avgust kuni Rossiya TIV o‘z bayonotida ma’lum qildi, deb yozadi EADaily.
“Afg‘oniston shimolida IShID va toliblarning mahalliy jangarilariga qurol-yarog‘ va o‘q-dorilar yetkazayotgan ‘notanish’ vertolyotlarga yana e’tibor qaratmoqdamiz. Jumladan, afg‘on OAVlari va mahalliy aholining ta’kidlashicha, bunday parvozlar Sari-Pul viloyatida qayd etilgan”, — deyiladi bayonotda.
Unda bu Markaziy Osiyo davlatlari chegarasi yaqinida yuz berayotganligi, IShIDning Afg‘onistondagi jangarilarining aksariyati esa ushbu mamlakatlar fuqarolari ekanligi ta’kidlanadi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)