Россия ТИВ: Афғонистонда нотаниш вертолётлар жангариларга қуроллар етказмоқда
Россия Афғонистонда ИШИД жангарилари ва толибларга қуроллар етказаётган нотаниш вертолётлар парвозини қайд этди. Бу ҳақда бугун, 23 август куни Россия ТИВ ўз баёнотида маълум қилди, деб ёзади EADaily.
«Афғонистон шимолида ИШИД ва толибларнинг маҳаллий жангариларига қурол-яроғ ва ўқ-дорилар етказаётган ‘нотаниш’ вертолётларга яна эътибор қаратмоқдамиз. Жумладан, афғон ОАВлари ва маҳаллий аҳолининг таъкидлашича, бундай парвозлар Сари-Пул вилоятида қайд этилган», — дейилади баёнотда.
Унда бу Марказий Осиё давлатлари чегараси яқинида юз бераётганлиги, ИШИДнинг Афғонистондаги жангариларининг аксарияти эса ушбу мамлакатлар фуқаролари эканлиги таъкидланади.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
