Bugun,

  • USD 11095.31
  • RUB 173.84
  • EUR 10772.44

1-sentabrdan boshlab davlat jamoat ehtiyojlari uchun yerlarni olib qo‘yish haqidagi qarorga faqat yerlari olib qo‘yilishi rejalashtirilayotgan shaxslar bilan ochiq muhokama o‘tkazilib, foyda va xarajatlar baholangandan keyingina yo‘l qo‘yiladi. Bunday tartib O‘zbekiston Prezidenti Shavkat Mirziyoyev tomonidan 1-avgust kuni imzolangan “O‘zbekiston Respublikasida investitsion muhitni tubdan yaxshilash chora-tadbirlari to‘g‘risida”gi farmonda belgilangan.

Foto: Shuhrat Latipov / “Gazeta.uz”

Foto: Shuhrat Latipov / “Gazeta.uz”

Farmonga muvofiq, olib qo‘yilayotgan yer uchastkalaridagi imoratlar va inshootlarning buzilishiga ko‘chmas mulkning bozor qiymatini va olib qo‘yish oqibatida mulkdorlarga yetqazilgan zararlarning o‘rni to‘liq qoplangandan keyin yo‘l qo‘yiladi.

Jismoniy va yuridiy shaxslarga davlat organi (mansabdor shaxs)ning qonunga xilof ma’muriy hujjatni chiqarishi natijasida yetkazilgan zarari davlat tomonidan qoplab beriladi.

Farmon bilan davlat va jamoat ehtiyojlari uchun yer uchastkalarini olib qo‘yish hollari cheklandi. Xususan, endilikda yerlar faqat quyidagi hollarda olib qo‘yiladi:

  • yerlarni mudofaa va davlat xavfsizligi, muhofaza etiladigan tabiiy hududlar ehtiyojlari uchun, erkin iqtisodiy zonalarni tashkil etish va faoliyat ko‘rsatishi uchun ajratishda;
  • xalqaro kelishuvlarda belgilangan majburiyatlarni bajarishda;
  • foydali qazilma boylik konlari aniqlanganda va ular ustida ish boshlanganda;
  • avtomobil va temir yo‘llari, aeroportlar, aerodromlar, aeronavigatsiya obyektlari va aviatexnik markazlar, temiryo‘l transporti obyektlari, ko‘priklar metropolitenlar, tonnellar, eneregtika tizimi obyektlari va elektr uzatish liniyalari, aloqa liniyalari, kosmik faoliyat obyektlari, magistral quvurlar, muhandislik-kommunikatsiya tarmoqlarini qurishda;
  • aholi punktlarining bosh rejalarida nazarda tutilgan Davlat byudjeti mablag‘lari hisobidan quriladigan obyektlarga, shuningdek, qonunlar va Prezidenti qarorlarida to‘g‘ridan-to‘g‘ri ko‘rsatilgan boshqa hollarda.

Izoh
Asosiy yangiliklar
Mahalliy
Qo‘shimcha talab etiladigan 37,5 ming tonna piyoz 1-aprelga qadar ichki bozorlarga kiritiladi
Mahalliy
“YouTube’dagi obunachilarimiz soni MDH mamlakatlari IIV kanallarinikidan ham ko‘p” — Shohrux G‘iyosov IIVning mediamakondagi faoliyati haqida gapirdi
Mahalliy
Toshkentda yo‘lovchi avtobus yonib ketdi