Sensatsiya davom etadi. Rossiya Ispaniyani mag‘lub etib, 1/4 finalga chiqdi (video)
Kecha, 30-iyun sanasida futbol bo‘yicha Rossiya maydonlarida bo‘lib o‘tayotgan Jahon Chempionati nimchorak final bahslariga start berildi. Bugun, 1-iyul kuni esa nimchorak final o‘yinlari davom ettirilmoqda.
Kun taqvimidan odatga ko‘ra ikki uchrashuv o‘rin olgandi.
Dastlabki o‘yin mezbon Rossiya termasi hamda mundial favoritlaridan biri sifatida e’tirof etilayotgan Ispaniya terma jamoasi o‘rtasida kechdi.
Uchrashuvda hisob 12-daqiqada ochildi. Serxio Ramos va Sergey Ignashevich kurashidan so‘ng, to‘p Rossiya termasi himoyachisiga tekkan holda Akinfeyev darvozasidan o‘rin oldi. 41-daqiqa Pike to‘pni qo‘l bilan o‘ynadi. Byorn Kuypers esa De Xea darvozasiga penalti belgiladi. Uni Artyom Dzyuba aniq amalga oshirib hisobni tenglashtirdi.
Birinchi bo‘lim ham ikkinchi bo‘lim ham va qo‘shimcha taymlarda ham 1:1 hisobi o‘zgarmay qoldi.
Penaltilar seriyasida esa omad ruslarga kulib boqdi. Rossiya lotereyalar seriyasida Ispaniyani 4:3 hisobida yengib, chorak finalga yo‘l oldi.
“Daryo” so‘rovnomasi natijasi esa quyidagicha ko‘rinish oldi:
Jahon Chempionati
1/8 final bellashuvlari
1-iyul, yakshanba
Ispaniya—Rossiya 1:1 (3:4 penaltilar bo‘yicha)
Gollar: 1:0—12, avtogol Ignashevich, 1:1 41, penalti Dzyuba.Ispaniya: 1. David De Xea, 4. Nacho (2.Dani Karvaxal, 70), 3. Jerar Pike, 15. Serxio Ramos, 18. Jordi Alba, 8. Koke, 5. Serxio Buskets, 21. David Silva (6.Andres Inyesta, 67), 22. Isko, 20. Marko Asensio (9.Rodrigo, 104), 19. Diyego Kosta (17.Yago Aspas, 80).
Rossiya: 1. Igor Akinfeyev, 2. Mario Fernandes, 4. Sergey Ignashevich, 3. Ilya Kutepov, 13. Fyodor Kudryashov, 18. Yuriy Jirkov (14.Vladimir Granat, 46), 11. Roman Zobnin, 7. Daler Kuzyayev (21.Aleksandr Yeroxin, 97), 17. Aleksandr Golovin, 19. Aleksandr Samedov (6.Denis Cherishev, 61), 22. Artyom Dzyuba (10.Fyodor Smolov, 65).
Ogohlantirishlar: Jerar Pike 40, Ilya Kutepov 54, Roman Zobnin 71.
