Polshaning Bendzin shahrida ikki yo‘lovchi avtobusining to‘qnashib ketishi oqibatida 17 kishi jabrlandi. To‘qnashuv shahar bekatlaridan birida yuz bergan. Bu haqda RMF24 xabar bermoqda, deb yozadi “Korrespondent.net”.
Birinchi avtobus jo‘nashi kerak bo‘lgan paytda uning orqa qismiga ikkinchi avtobus kelib urilgan. Avariya yuz bergan ko‘cha yopilgan.
Huquq-tartibot organlari ma’lumotiga ko‘ra, har ikkala haydovchi ham hushyor bo‘lgan.
12 kishi, shu jumladan, bir nafar bola shifoxonaga yetkazilgan. Bolani shifoxonaga yetkazish uchun vertolyot yetib kelgan. Dastlabki ma’lumotlarga ko‘ra, jarohat olganlarning ahvoli qoniqarli.
Shifoxonaga yotishdan bosh tortgan yana besh kishiga shifokorlar voqea joyida yordam ko‘rsatgan.
Izoh (0)