Bugun,

  • USD 11095.31
  • RUB 173.84
  • EUR 10772.44

Yil boshidan buyon zararli organizmlar aniqlanganligi sababli O‘zbekiston hududiga 70 ming tonnadan ziyod qishloq xo‘jalik mahsulotlarining olib kirilishining oldi olindi. 17 turdagi karantin obyektlari aniqlangan, buning oqibatida ba’zi bir meva va sabzavot navlarini mamlakatga olib kirilishiga cheklov qo‘yilgan. Bu haqda Vazirlar Mahkamasi huzuridagi O‘simliklar karantini davlat inspektsiyasiga tayanib, “Gazeta.uz” xabar berdi.

Foto: “Gazeta.uz”

Foto: “Gazeta.uz”

O‘zbekiston hududida importchilar va eksportchilarning faoliyatini monitoring qilishda quyidagi holatlar aniqlandi va tegishli choralar qabul qilindi:

  • Xavfli kasallik — bakterial karsinoma aniqlangani sabab 60 ming dona yong‘oq ko‘chati Italiyaga qaytarib yuborilgan;
  • Qo‘ziqorin kasalligi — fitoftoroza aniqlangani sabab Rossiyada yetishtirilgan 1000 tonna kartoshga urug‘ligi qaytarib yuborilgan;
  • Fitoftoroza hamda boshqa turdagi zararli organizmlar aniqlangani uchun Qozog‘istonda yetishtirilgan 3500 tonna kartoshka va uning urug‘lari qaytarib yuborilgan;
  • Zararli organizmlar topilgani uchun 30 ming tonna kartoshka urug‘ligi Pokistonga qaytarib yuborilgan;
  • Misr va Erondan import qilingan 60 tonna sitrus mevalar zararsizlantirilgan;
  • Qozog‘istondan keltirilgan 132 tonna kartoshkada kartoshka qo‘ng‘izi borligi sabab yo‘q qilingan;
  • Karantin organizmlar aniqlangani sabab 24 tonna apelsin va olmalar Pokistonga qaytarib yuborilgan;
  • 90 tonna paxta urug‘ida zararli organizmlar borligi sabab Turkiyaga qaytarib yuborilgan, 80 kilogramm urug‘ yo‘q qilingan;
  • O‘zbekistondagi fitosanitariya talablarini javob bermaganligi sabab Gollandiyadan 3500 tonna, Germaniyadan 300 tonna urug‘lik kartoshkaning importi taqiqlangan.
Xorijdan olib kelingan barcha qishloq xo‘jaligi mahsulotlari mamlakatning chegaralariga kelganida karantin va laboratoriya tekshiruvidan o‘tkaziladi. Tekshiruv davomida xavfli va zararli organizmlar aniqlansa, mahsulot zararsizlantiriladi, import qilingan mamlakatga qaytarib yuboriladi yoki laboratoriya natijalari asosida yo‘q qilinadi.

Izoh
Asosiy yangiliklar
Mahalliy
“Hududgazta’minot” aholini gazdan oqilona foydalanishga chaqirdi
Mahalliy
“Kimdir javob berishi, kimdir qusishi kerak” — faollar gaz va elektr muammosi sababchilariga jazo so‘ramoqda
Mahalliy
Toshkent viloyatida er-xotin va ularning uch oylik chaqalog‘i is gazidan vafot etdi