Jurnalistlar xalqaro federatsiyasi Babchenko qotilligi sahnalashtirilganligini nomaqbul deb atadi

Jurnalistlar xalqaro federatsiyasi (IFJ) Ukrainada jurnalist Arkadiy Babchenko qotilligining sahnalashtirilishini qabul qilib bo‘lmaydigan holat deb atadi. Bu haqda “RIA Novosti” xabar bermoqda.

“Babchenko hayot va o‘z kasbi bilan shug‘ullanishni davom ettirishi mumkin, bu ajoyib yangilik. Biroq uning o‘ldirilganligi haqida yolg‘on ko‘rsatmalarni tarqatgan Ukraina rasmiylari axborot ishonchliligiga jiddiy putur yetkazdi va ularning kommunikatsiyasi targ‘ibot operatsiyasi sifatida qabul qilinishi mumkin”, — dedi IFJ prezidenti Filipp Lerut.

Tashkilot bosh kotibi Entoni Bellanjer jurnalistlarga yolg‘on gapirish va bu “qotillik”dan ta’sirlangan millionlab fuqarolarni aldashga yo‘l qo‘yib bo‘lmasligini ta’kidladi.