Bugun,

  • USD 11095.31
  • RUB 173.84
  • EUR 10772.44

O‘zbekiston milliy terma jamoasining joriy yilning 19-may kuni bo‘lib o‘tadigan Eronga qarshi o‘yini sabab Superliga taqvimida o‘zgarish yuzaga keldi. Bu haqda PFL axborot xizmati ma’lum qildi.

Foto: PFL

Foto: PFL

Dastavval Eron va O‘zbekistonning Tehronda o‘tishi kerak bo‘lgan xalqaro o‘rtoqlik uchrashuvi 17-may sanasiga kelishilgan bo‘lib, PFL Superliga taqvimini shunga qarab moslashtirgandi. Biroq keyinchalik forslar 19-may sanasi bo‘yicha kelishuv taklif qildi. Shu tariqa o‘rtoqlik o‘yinining o‘tishi so‘roq ostida qoldi. Ammo yaqinlashib kelayotgan Osiyo o‘yinlari sabab terma jamoa murabbiylar shtabi Eronga qarshi uchrashuvni kerakli deb hisobladi, deyiladi xabarda.

Shundan so‘ng O‘FA hamda PFL masala yechimini terma jamoaga nisbatan ko‘proq futbolchilar berayotgan klublar bosh murabbiylari hukmiga qoldirdi. Agar ular Eronga qarshi uchrashuv hech narsa bermasligi borasida qaror chiqarsa, Tehrondagi o‘yin bekor bo‘lishi kerak edi. “Paxtakor”, “Bunyodkor”, “Nasaf”, “Navbahor” murabbiylari ishtirok etgan yig‘ilishda JCH chiptasini qo‘lga kiritgan termaga qarshi o‘yin foydali bo‘lishi ta’kidlandi. Kelishuv o‘z kuchida qolishi uchun murabbiylar taklif berdi — Superliganing 12-tur bellashuvlari boshqa sanaga ko‘chirilishi kerak edi.

Shundan kelib chiqib, PFL 12-tur vaqtlariga o‘zgartirish kiritdi. Eronga qarshi xalqaro o‘rtoqlik o‘yini esa o‘z kuchini saqlab qoldi.

12-tur bellashuvlari 20-may kuni start olib, 22-may kuni yakuniga yetishi kerak edi. Endilikda “Nasaf” hamda “Neftchi” klublari o‘rtasidagi bellashuv 14-may — dushanba kuniga ko‘chdi. AGMK — “Bunyodkor”, “Navbahor” — Metallurg”, “So‘g‘diyona” — “Paxtakor” uchrashuvlari esa 15-may sanasiga tayin qilindi. Osiyo Chempionlar Ligasida ishtirok etayotgan O‘zbekiston klublarining xalqaro maydondan chetda qolgani aynan shu kunlarda bo‘shliq hosil qilayotgandi.

Milliy terma jamoa Eronga 17-may kuni yo‘l oladi hamda 20-may sanasida qaytib keladi. Terma jamoa lageriga nisbatan kamroq futbolchisini jo‘natayotgan “Qo‘qon-1912” hamda “Lokomotiv” klublari ishtirokidagi 2 ta o‘yin 22-may — seshanba kuni bo‘lib o‘tadi.

Pepsi Superliga

12-tur bellashuvlari

14-may, dushanba

“Nasaf” — “Neftchi”

15-may, seshanba

AGMK — “Bunyodkor”

“Navbahor” — “Metallurg”

“So‘g‘diyona” — “Paxtakor”

22-may, seshanba

“Qo‘qon-1912” — Buxoro

“Lokomotiv” — “Qizilqum”

Keyinroq o‘yinlar vaqti Ramazon taqvimidan kelib chiqib belgilanadi, deyiladi PFL xabarida.

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova