Bugun,

  • USD 11095.31
  • RUB 173.84
  • EUR 10772.44

Rossiya bosh vaziri Dmitriy Medvedev Qandim gazni qayta ishlash majmuasi ochilishi munosabati bilan tabrik telegrammasi yo‘lladi. Uning matni Rossiya hukumati rasmiy saytida keltirildi.

Foto: Sputnik

Foto: Sputnik

Tabrikda, jumladan, shunday deyiladi:

“Aziz do‘stlar!

Sizlarni Qandim gazni qayta ishlash majmuasi muddatidan avval ish boshlayotgani bilan tabriklayman. Bu Rossiya va O‘zbekiston o‘rtasidagi strategik sheriklikni mustahkamlash bo‘yicha hamkorlikdagi harakatlarimiz ahamiyatini ko‘rsatuvchi muhim voqeadir. 

Muhandislar, geologlar va quruvchilardan iborat ko‘p ming kishilik jamoaning mashaqqatli mehnati tufayli majmua rekord darajada qisqa muddat — atigi ikki yilda barpo etildi. Korxona qayta ishlash samaradorligi va ekologik xavfsizlik bo‘yicha eng zamonaviy texnologik talablarga javob beradi. 

Tabiiy gazning mavjud 8,1 milliard kubometr quvvati bilan majmua Markaziy Osiyodagi eng yirik korxonalardan biriga aylanadi. Qandim konlarini o‘zlashtirishda muhim o‘rin tutadi. 

Qandim gazni qayta ishlash majmuasi ochilishi O‘zbekiston neftgaz sohasi va butun iqtisodiyotining yanada rivoj topishi, enegetikada ikki davlatning o‘zaro sherikligi uchun katta imkoniyatlar borligini tasdiqlashga xizmat qiladi. Zero, ‘Qandim—Xauzak — Shodi’ loyihasi doirasida jami 200 milliard kubometr gaz qazib olinishi mo‘ljallanmoqda.

Qandim gazni qayta ishlash majmuasi bazasida Rossiya va O‘zbekiston iqtisodiyotlariga naf keltiradigan hamkorlikdagi yangi tashabbuslar amalga oshirilishiga ishonch bildiraman”. 

Eslatib o‘tamiz, Qandim gazni qayta ishlash majmuasining ochilish marosimida O‘zbekiston Prezidenti Shavkat Mirziyoyev ishtirok etmoqda.

 

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova