Ijtimoiy tarmoqda Volkswagen’ning yangi krossoveri suratlari paydo bo‘ldi, deb yozadi “Motor”.
Tayron deb nomlangan model Xitoy bozori uchun mo‘ljallangan bo‘lib, Advanced Midsize SUV prototipining tovar versiyasi hisoblanadi. Suratlar CarNewsChina saytiga joylangan.
Avtomobil dvigateli gammasi hali e’lon qilinmagan, biroq suratdagi emblema — 380 TSI — mashina 220 ot kuchi quvvatiga ega ikki litrlik “turboto‘rtlik” bilan jihozlanganligidan guvohlik beradi.
Yangi krossoverning ommaviy debyuti aprel oyi oxirida Pekin avtosalonida bo‘lib o‘tadi. Uni ishlab chiqarish FAW-Volkswagen zavodida yo‘lga qo‘yiladi. Tayron Xitoyda joriy yilning ikkinchi yarmidan sotila boshlaydi.
Izoh (0)