Volkswagen’нинг янги кроссовери суратлари пайдо бўлди

Ижтимоий тармоқда Volkswagen’нинг янги кроссовери суратлари пайдо бўлди, деб ёзади «Мотор».

Tayron деб номланган модель Хитой бозори учун мўлжалланган бўлиб, Advanced Midsize SUV прототипининг товар версияси ҳисобланади. Суратлар CarNewsChina сайтига жойланган.

Автомобиль двигатели гаммаси ҳали эълон қилинмаган, бироқ суратдаги эмблема — 380 TSI — машина 220 от кучи қувватига эга икки литрлик «турботўртлик» билан жиҳозланганлигидан гувоҳлик беради.

Янги кроссовернинг оммавий дебюти апрель ойи охирида Пекин автосалонида бўлиб ўтади. Уни ишлаб чиқариш FAW-Volkswagen заводида йўлга қўйилади. Tayron Хитойда жорий йилнинг иккинчи ярмидан сотила бошлайди.