Indoneziyaning chekka qishloqlarida, ayniqsa, dunyodagi eng iflos daryolardan biri hisoblangan — Chitarum qirg‘og‘i yaqinida yashaydigan aholi toza ichimlik suvi ilinjida uzoq masofani bosib o‘tishga majbur bo‘ladi, deb xabar berdi TravelAsk.
Tinambung hududida istiqomat qiladigan Xasriya ismli ayol har kuni toza suv uchun daryoni suzib o‘tadi. Havo harorati pasaygach, 46 yoshli ayol orqasiga 200 ta yelim idishni bog‘lab olib, suvga tushadi. Bir soat davomida u 4 kilometrga yaqin masofani bosib o‘tadi va idishlarini narigi qirg‘oqdagi quduqdan toza suvga to‘ldirib, yana ortiga qaytadi.
Xasriya yashaydigan qishloqda toza ichimlik suvi manbasi yo‘q, shu sababli ayol yelim idishdagi suvlarni sotadi. Bitta yelim idishni taxmiman 500 rupiy (0,03 sent) dan sotadi. Bu ish bilan Xasriyadan boshqa shug‘ullanadigan odamlar ham ko‘plab topiladi. Tinambung hududida 6 mingga yaqin oila yashaydi va ularning deyarli barchasida suv muammosi kuzatiladi.
Izoh (0)