Bugun,

  • USD 11095.31
  • RUB 173.84
  • EUR 10772.44

Turizmni rivojlantirish davlat qo‘mitasi raisi Aziz Abduhakimov Afg‘oniston bo‘yicha Toshkent konferensiyasining ahamiyati xususida fikr bildirib o‘tdi. Uning so‘zlarini O‘zA keltirmoqda.

Foto: Prezident matbuot xizmati

Foto: Prezident matbuot xizmati
Qayerda tinchlik va osoyishtalik barqaror bo‘lsa, boshqacha aytganda, odam o‘zini qayerda xavfsiz sezsa, shu yerga intiladi. Shu jihatdan asosiy maqsadi Afg‘onistonda, shuningdek, mintaqada xavfsizlik ta’minlanishiga qaratilgan Toshkent konferensiyasining ahamiyati beqiyos.

Aytib o‘tish kerakki, Markaziy Osiyo mintaqasida keyingi paytda ro‘y bergan ijobiy o‘zgarishlar nafaqat o‘zaro munosabatlar, balki turistik oqimning kuchayishiga katta turtki berdi. Birgina misol, O‘zbekiston va Tojikiston o‘rtasida bir oylik vizasiz rejim joriy etilganiga hali o‘n kun bo‘lgan bo‘lsa-da, yurtimizga o‘n minglab tojik xalqi vakillarining tashrif buyurgani kuzatildi.

O‘z navbatida, yurtimizga kelayotgan turistlar uchun barcha zarur shart-sharoitlar yaratishga, ularning xavfsizligini ta’minlashga katta e’tibor qaratilmoqda. Shu maqsadda tegishli tuzilmalar faoliyati yo‘lga qo‘yilgan. Turistlar uchun servis xizmatlarini xalqlaro standartlar darajasida ko‘rsatishga harakat qilinmoqda.

Qayd etish kerakki, Afg‘oniston vakillari ayni paytda O‘zbekistonga tibbiy turizm maqsadida tashrif buyurmoqda. O‘tgan yilda ularning soni 26 mingdan oshdi. O‘zbekiston turistik salohiyati bilan afg‘on xalqini tanishtirish uchun barcha imkoniyatlardan foydalanilmoqda. Bu mamlakatda barqarorlikka erishilishi afg‘on xalqining xotirjam yashashi, qo‘shni davlatlar bilan aloqalari rivojlanishi va sahyohat qilish imkoniyati ortishiga xizmat qiladi.

Turizmni rivojlantirish davlat qo‘mitasi raisi Aziz Abduhakimov

Izoh
Asosiy yangiliklar
Mahalliy
O‘zbekistonda benzin narxlarini sun’iy oshirgan AYOQSHlarga tegishli chora ko‘rilishi ma’lum qilindi
Dunyo
Armanistonda 25 ming inson umriga zomin bo‘lgan zilzila, Yaponiyaning Perl-Harborga hujumi va Janubiy Koreya qamoqxonasida 40 yil o‘tirgan KXDR fuqarosi. Kun xrono...
Sport
JCH—2022 da barcha chorak final juftliklari ma’lum bo‘ldi