Hindistonlik chegarachilar Xitoy tilini o‘rganish bo‘yicha yillik kurslarga jo‘natiladi. Bu haqda The Global Times xabar bermoqda.

Foto: India Today

Bundan kutilgan maqsad, jumladan, Hindistonni Xitoy bilan ehtimoliy to‘qnashuvga tayyorlash ekanligi aytildi.

Kurslarga Hind-Tibet chegara politsiyasining 25 nafar xizmatchisi yuboriladi. Bu ularga qo‘shni davlat chegarachilari bilan muloqotni yo‘lga qo‘yishda ko‘mak berishi bildirilmoqda.

“Xitoy tili va madaniyatini tushunish Hindistoga chegara hududlarni nazoratga olishda yordam berishi mumkin. Shu sababli til o‘rganish strategik tayyorgarlik hamdir”, — deydi harbiy ekspert Sun Chjinpin.

2016—2017-o‘quv yilida 4 nafar hind harbiysi Xitoy tili bo‘yicha kurslarni yakunladi. Ular hozir chegara hududlarida xizmatni o‘tamoqda.