Bugun,

  • USD 11095.31
  • RUB 173.84
  • EUR 10772.44

Qoraqalpog‘iston Respublikasi Ichki ishlar vaziri o‘rinbosari Shukurillo Ayubov xizmat faoliyatida duch kelgan noxush hodisa haqida so‘zlab, bu kabi holatlarning oldini olish uchun nima qilish lozimligi haqida maslahat berdi, deya xabar qiladi “KRuz.uz”.

Foto: “KRuz.uz”

Foto: “KRuz.uz”

“Ish faoliyatim davomida soham nuqtayi nazaridan ko‘plab hodisa va voqealarni, ya’ni sodir bo‘lgan yong‘inlar, yo‘l trasport hodisalari joylariga chiqib unda jabrlanganlar yoki moddiy va ma’naviy jihatdan talafot ko‘rganlarni ko‘rib ich ichingdan achinib ketasan kishi.

Hozirgi to‘xtalib o‘tadigan mavzum kundalik turmushimizda uchrab turadigan, oddiy bo‘lsa-da lekin juda zarur bo‘lgan ayrim xonadonlarda nazarga olinmagan qoidalarning biriga e’tiboringizni jalb qilmoqchi edim. Fikrimni boshlashdan oldin ushbu qoidani yaxshiroq yoritish maqsadida bir necha yillar oldin xizmat faoliyatim davomida bo‘lib o‘tgan bir hodisani aytib bermoqchiman.

Kunlarning birida tez tibbiy yordam bo‘limiga tong soat 6:00 larda 6 ta turli yoshdagi fuqarolarning is gazidan zaharlanib tushganligi haqida xabarni olib, tezda kasalxonaga, so‘ng voqea joyiga chiqib ketdik. Voqea joyini ko‘zdan kechirganimizda, ushbu xonadonda bir kun oldin maraka bo‘lganligi, tadbirga uzoq-yaqindan qarindosh urug‘lari mehmon bo‘lib kelganliklari va kech kirganda onda-sonda kiriladigan bir uyga tezda chet davlatda ishlab chiqarilgan pechni o‘rnatib, mo‘risini shundoq derezadan tashqariga chiqarib qo‘yib mehmonlar dam olishi uchun joy qilib berganliklarini aniqladik.

Shu o‘rinda uyning qurilishiga alohida e’tibor qilib xonaga tashqaridan hech qayerdan havo kirmaganligi, xona eshigi oxirgi marta saoat 23:00 larda ochilib yopilganligini va gaz pechidagi gazning yaxshi yonmaganligi, tutun mo‘risining tom sathidan yuqoriga chiqarilmagani natijasida xonaning butun hajmini is gazi egallaganini, mehmonlardan birining ko‘ngli aynib chala jon sifatida birdan uyqusidan uyg‘onib, qolganlarni ham uyg‘otganini aniqladik.

Ko‘zdan kechirish vaqtida ko‘zim eshik va derazalarni yog‘ochdan ekanligi va ular uzoq yillik quyosh taftidan qurib rom oralari ochilib qolganligiga tushdi.

Ha, shu kichgina bo‘lsada tirqishlar bo‘lmaganida edi, uyog‘ini so‘rab o‘tirmang. Ushbu tirqishlardan kirgan toza havo tong sahargacha is gazini butun xonaning hajmini egallab olishiga yo‘l qo‘ymagan ekan. Tez tibbiy yordam bo‘limidagi mehmonlar 3—4 soatlik muolajadan so‘ng sog‘ayib o‘z uylariga qaytishdi. Demak, o‘sha kichgina bo‘lsa-da deraza eshik romi orasidan kirgan ma’lum bir toza havo insonlarni hayotini saqlab qolishda katta hissa qo‘shgan.

Voqea tafsilotini shu yerda tugatib, aniq maqsadga ko‘chmoqchiman. Ilgarilari ota bobolarimiz qurgan uylarinning xonalarida qaldirg‘och uchun yoki boshqa maqsadda kerak bo‘lib qolar deya bitta bo‘lsada tuynuk qoldirishgan. Shuning uchunmi ancha tetik va sog‘lom yurishgan. Bugungi kunda aksariyat qishloq uylarida fuqarolarimiz zamonaviy qurilish materiallaridan o‘zlarining tablariga xush keladigan qilib imoratlar qurishmoqda. Ammo kimdir ushbu shamollatish qurilmasini o‘rnatayotgan bo‘lsa, kimdir xonaning ko‘rkini buzadi yoki nima uchun kerak degan ma’noda qurishga etibor berishmaydi. Qurilish me’yor talablari asosida qurilayotgan uylarda ushbu talab loyihaga kiritilgan bo‘lib shu me’yor asosida quriladi. Shuning uchun sodir bo‘lishi mumkin bo‘lgan chaqnash yoki is gazidan zaharlanish asosan qurilish me’yor talablariga rioya qilmay o‘zboshimchalik bilan qurilgan uylarda ko‘plab uchraydi.

Is gazi havodan yengil bo‘lib xonani yuqori qismidan pastga qarab to‘ldirib keladi. Shuning uchun shamolatish qurilmasini xonaning eng yuqori nuqtasiga o‘rnatish maqsadga muvofiq hisoblanadi. Ushbu qurilma mavjud uyda zaharlanish va chaqnash kuzatilmagani bilan bir qatorda xonaning ta’mirga kelish muddati ham uzayadi. Chunki xonada har xil gazlar — pechdan chiqqan ma’lum bir tutunlar xona devorlarini qoraytirmaydi. Shu bilan bir qatorda ushbu xonada dam olgan inson charchoqlarsiz sog‘lom uyg‘onadi. Xulosa qilib aytganda, sizning xonadoningiz iqtisodiy tomondan ko‘mak, xavfsiz va sog‘lom yashashingizga o‘z hissasini qo‘shadi. Qurilmani qurish bo‘yicha tug‘iladigan savollarga joylardagi yong‘in xavfsizligi xodimlaridan yo‘riqnoma olish mumkin”, — dedi Shukurillo Ayubov.

Izoh
Asosiy yangiliklar
Madaniyat
“Xudodan qo‘rqmagan odamdan qo‘rqdim”. O‘zbekiston xalq artisti Bobomurod Hamdamov oilaviy nizolar tufayli ijara uyda yashamoqda (video)
Mahalliy
“Odamlar o‘limida o‘zimni aybdor hisoblamayman” — Nukusdagi tartibsizliklar yetakchisi Dauletmurat Tajimuratov
Mahalliy
Samarqandda o‘quvchining onasi “zamdirektor”ni kaltakladi